| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
10. батаманааг̇авимаанаван̣н̣анаа
10. Paṭhamanāgavimānavaṇṇanā
сусуггаканд̇хам̣ абхируяха нааг̇анд̇и нааг̇авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна ааяасмаа махаамог̇г̇аллаано хздтаа вуд̇д̇анаязнзва д̣̇зважааригам̣ жаранд̇о д̇аавад̇им̣сабхаванам̣ убаг̇ад̇о. д̇ад̇т̇а ад̣̇д̣̇аса ан̃н̃ад̇арам̣ д̣̇звабуд̇д̇ам̣ саб̣б̣асзд̇ам̣ маханд̇ам̣ д̣̇иб̣б̣анааг̇ам̣ абхируяха маханд̇зна бариваарзна махад̇аа д̣̇иб̣б̣аанубхаавзна аагаасзна г̇ажчанд̇ам̣, саб̣б̣аа д̣̇исаа жанд̣̇о вияа суурияо вияа жа обхаасаяамаанам̣. д̣̇исваа язна со д̣̇звабуд̇д̇о д̇знубасан̇гами. ат̇а со д̣̇звабуд̇д̇о д̇ад̇о оруяха ааяасманд̇ам̣ махаамог̇г̇аллаанам̣ абхиваад̣̇зд̇ваа ан̃ж̇алим̣ баг̇г̇аяха адтааси. ат̇а т̇зро –
Susukkakhandhaṃabhiruyha nāganti nāgavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena āyasmā mahāmoggallāno heṭṭhā vuttanayeneva devacārikaṃ caranto tāvatiṃsabhavanaṃ upagato. Tattha addasa aññataraṃ devaputtaṃ sabbasetaṃ mahantaṃ dibbanāgaṃ abhiruyha mahantena parivārena mahatā dibbānubhāvena ākāsena gacchantaṃ, sabbā disā cando viya sūriyo viya ca obhāsayamānaṃ. Disvā yena so devaputto tenupasaṅkami. Atha so devaputto tato oruyha āyasmantaṃ mahāmoggallānaṃ abhivādetvā añjaliṃ paggayha aṭṭhāsi. Atha thero –
961.
961.
‘‘сусуггаканд̇хам̣ абхируяха нааг̇ам̣, агаажинам̣ д̣̇анд̇им̣ б̣алим̣ махааж̇авам̣;
‘‘Susukkakhandhaṃ abhiruyha nāgaṃ, akācinaṃ dantiṃ baliṃ mahājavaṃ;
абхируяха г̇аж̇аварам̣ сугаббид̇ам̣, ид̇хааг̇амаа взхааяасам̣ анд̇алигкз.
Abhiruyha gajavaraṃ sukappitaṃ, idhāgamā vehāyasaṃ antalikkhe.
962.
962.
‘‘нааг̇асса д̣̇анд̇зсу д̣̇увзсу ниммид̇аа, ажчод̣̇агаа бад̣̇уминияо супуллаа;
‘‘Nāgassa dantesu duvesu nimmitā, acchodakā paduminiyo suphullā;
бад̣̇умзсу жа д̇уурияаг̇ан̣аа баваж̇ж̇арз, имаа жа нажжанд̇и манохарааяо.
Padumesu ca tūriyagaṇā pavajjare, imā ca naccanti manoharāyo.
963.
963.
‘‘д̣̇звид̣̇д̇хибад̇д̇оси махаанубхааво, мануссабхууд̇о гимагааси бун̃н̃ам̣;
‘‘Deviddhipattosi mahānubhāvo, manussabhūto kimakāsi puññaṃ;
гзнааси звам̣ ж̇алид̇аанубхааво, ван̣н̣о жа д̇з саб̣б̣ад̣̇исаа бабхаасад̇ий’’д̇и. –
Kenāsi evaṃ jalitānubhāvo, vaṇṇo ca te sabbadisā pabhāsatī’’ti. –
д̇асса самбад̇д̇игид̇д̇анамукзна гад̇агаммам̣ бужчи.
Tassa sampattikittanamukhena katakammaṃ pucchi.
961. д̇ад̇т̇а сусуггаканд̇ханд̇и судту сзд̇аканд̇хам̣. гин̃жааби д̇асса нааг̇асса жад̇д̇ааро баад̣̇аа, вад̇т̇игосам̣, мукаббад̣̇зсо, убхо ган̣н̣аа, ваалад̇хийд̇и зд̇д̇агам̣ мун̃жид̇ваа саб̣б̣о гааяо сзд̇ова, канд̇хаббад̣̇зсасса бана саад̇исаяам̣ д̇хавалад̇арад̇ааяа вуд̇д̇ам̣ ‘‘сусуггаканд̇ха’’нд̇и. нааг̇анд̇и д̣̇иб̣б̣ам̣ хад̇т̇инааг̇ам̣. агаажинанд̇и нид̣̇д̣̇осам̣ , саб̣алалаван̇гад̇илагаад̣̇ичавид̣̇осавирахид̇анд̇и ад̇т̇о. ‘‘ааж̇аанийяа’’нд̇иби баал̣и, ааж̇аанийяалагкан̣уубзд̇анд̇и ад̇т̇о. д̣̇анд̇инд̇и вибуларужирад̣̇анд̇аванд̇ам̣. б̣алинд̇и б̣алаванд̇ам̣ махааб̣алам̣. махааж̇аванд̇и ад̇иж̇авам̣ сийгхаг̇аамим̣. буна абхируяхаад̇и зд̇т̇а анунаасигалобо д̣̇адтаб̣б̣о, абхируяхам̣ аароханийяанд̇и вуд̇д̇ам̣ ход̇и. сзсам̣ вуд̇д̇анаяамзва.
961. Tattha susukkakhandhanti suṭṭhu setakhandhaṃ. Kiñcāpi tassa nāgassa cattāro pādā, vatthikosaṃ, mukhappadeso, ubho kaṇṇā, vāladhīti ettakaṃ muñcitvā sabbo kāyo setova, khandhappadesassa pana sātisayaṃ dhavalataratāya vuttaṃ ‘‘susukkakhandha’’nti. Nāganti dibbaṃ hatthināgaṃ. Akācinanti niddosaṃ , sabalalavaṅkatilakādichavidosavirahitanti attho. ‘‘Ājānīya’’ntipi pāḷi, ājānīyalakkhaṇūpetanti attho. Dantinti vipularuciradantavantaṃ. Balinti balavantaṃ mahābalaṃ. Mahājavanti atijavaṃ sīghagāmiṃ. Puna abhiruyhāti ettha anunāsikalopo daṭṭhabbo, abhiruyhaṃ ārohanīyanti vuttaṃ hoti. Sesaṃ vuttanayameva.
звам̣ бана т̇зрзна будто д̣̇звабуд̇д̇о ад̇д̇анаа гад̇агаммам̣ гат̇знд̇о –
Evaṃ pana therena puṭṭho devaputto attanā katakammaṃ kathento –
965.
965.
‘‘адтзва муд̇д̇абубпаани, гассабасса махзсино;
‘‘Aṭṭheva muttapupphāni, kassapassa mahesino;
т̇уубасмим̣ абхиробзсим̣, басанно сзхи баан̣ибхи.
Thūpasmiṃ abhiropesiṃ, pasanno sehi pāṇibhi.
966.
966.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. – имаахи г̇аат̇аахи б̣яаагааси;
Vaṇṇo ca me sabbadisā pabhāsatī’’ti. – imāhi gāthāhi byākāsi;
д̇ассад̇т̇о – ахам̣ буб̣б̣з гассабасаммаасамб̣уд̣̇д̇хасса яож̇анигз ганагат̇уубз ван̣дад̇о мужжид̇ваа г̇ажчамуулз бад̇ид̇аани адта муд̇д̇абубпаани лабхид̇ваа д̇аани г̇ахзд̇ваа бууж̇анавасзна басаннажид̇д̇о худ̇ваа абхиробзсим̣ бууж̇зсим̣.
Tassattho – ahaṃ pubbe kassapasammāsambuddhassa yojanike kanakathūpe vaṇṭato muccitvā gacchamūle patitāni aṭṭha muttapupphāni labhitvā tāni gahetvā pūjanavasena pasannacitto hutvā abhiropesiṃ pūjesiṃ.
ад̇ийд̇з гира гассабасаммаасамб̣уд̣̇д̇хз бариниб̣б̣уд̇з яож̇анигз ганагат̇уубз жа гаарид̇з сабаривааро гигий гаасирааж̇аа жа нааг̇араа жа нзг̇амаа жа ж̇аанабад̣̇аа жа д̣̇ивасз д̣̇ивасз бубпабууж̇ам̣ гаронд̇и. д̇зсу д̇ат̇аа гаронд̇зсу бубпаани махаг̇гхаани д̣̇уллабхаани жа ахзсум̣. ат̇зго убаасаго маалаагааравийт̇ияам̣ вижарид̇ваа згамзгзна гахаабан̣зна згамзгамби бубпам̣ алабханд̇о адта гахаабан̣аани г̇ахзд̇ваа бубпаараамам̣ г̇анд̇ваа маалаагаарам̣ ааха ‘‘имзхи адтахи гахаабан̣зхи адта бубпаани д̣̇зхий’’д̇и. ‘‘над̇т̇аяяо бубпаани, саммад̣̇зва убад̇хаарзд̇ваа ожинид̇ваа д̣̇иннааний’’д̇и. ‘‘ахам̣ ологзд̇ваа г̇ан̣хаамий’’д̇и. ‘‘яад̣̇и звам̣, аараамам̣ бависид̇ваа г̇авзсаахий’’д̇и. со бависид̇ваа г̇авзсанд̇о бад̇ид̇аани адта бубпаани лабхид̇ваа маалаагаарам̣ ааха ‘‘г̇ан̣ха, д̇аад̇а, гахаабан̣ааний’’д̇и. ‘‘д̇ава бун̃н̃зна лад̣̇д̇хаани, наахам̣ гахаабан̣аани г̇ан̣хаамий’’д̇и ааха. ид̇аро ‘‘наахам̣ муд̇хаа бубпаани г̇ахзд̇ваа бхаг̇авад̇о бууж̇ам̣ гариссаамий’’д̇и гахаабан̣аани д̇асса бурад̇о табзд̇ваа бубпаани г̇ахзд̇ваа жзд̇ияан̇г̇ан̣ам̣ г̇анд̇ваа басаннажид̇д̇о бууж̇ам̣ агааси. со абарабхааг̇з гаалам̣ гад̇ваа д̇аавад̇им̣сзсу уббаж̇ж̇ид̇ваа д̇ад̇т̇а яаавад̇ааяугам̣ тад̇ваа бунаби д̣̇звалогз, бунаби д̣̇звалогзд̇и звам̣ абараабарам̣ д̣̇звзсуязва сам̣саранд̇о д̇ассзва гаммасса вибаагаавасзсзна имасмимби б̣уд̣̇д̇хуббаад̣̇з д̇аавад̇им̣сзсуязва уббаж̇ж̇и. д̇ам̣ санд̇хааяа хздтаа вуд̇д̇ам̣ ‘‘д̇ад̇т̇а ад̣̇д̣̇аса ан̃н̃ад̇арам̣ д̣̇звабуд̇д̇а’’нд̇иаад̣̇и.
Atīte kira kassapasammāsambuddhe parinibbute yojanike kanakathūpe ca kārite saparivāro kikī kāsirājā ca nāgarā ca negamā ca jānapadā ca divase divase pupphapūjaṃ karonti. Tesu tathā karontesu pupphāni mahagghāni dullabhāni ca ahesuṃ. Atheko upāsako mālākāravīthiyaṃ vicaritvā ekamekena kahāpaṇena ekamekampi pupphaṃ alabhanto aṭṭha kahāpaṇāni gahetvā pupphārāmaṃ gantvā mālākāraṃ āha ‘‘imehi aṭṭhahi kahāpaṇehi aṭṭha pupphāni dehī’’ti. ‘‘Natthayyo pupphāni, sammadeva upadhāretvā ocinitvā dinnānī’’ti. ‘‘Ahaṃ oloketvā gaṇhāmī’’ti. ‘‘Yadi evaṃ, ārāmaṃ pavisitvā gavesāhī’’ti. So pavisitvā gavesanto patitāni aṭṭha pupphāni labhitvā mālākāraṃ āha ‘‘gaṇha, tāta, kahāpaṇānī’’ti. ‘‘Tava puññena laddhāni, nāhaṃ kahāpaṇāni gaṇhāmī’’ti āha. Itaro ‘‘nāhaṃ mudhā pupphāni gahetvā bhagavato pūjaṃ karissāmī’’ti kahāpaṇāni tassa purato ṭhapetvā pupphāni gahetvā cetiyaṅgaṇaṃ gantvā pasannacitto pūjaṃ akāsi. So aparabhāge kālaṃ katvā tāvatiṃsesu uppajjitvā tattha yāvatāyukaṃ ṭhatvā punapi devaloke, punapi devaloketi evaṃ aparāparaṃ devesuyeva saṃsaranto tasseva kammassa vipākāvasesena imasmimpi buddhuppāde tāvatiṃsesuyeva uppajji. Taṃ sandhāya heṭṭhā vuttaṃ ‘‘tattha addasa aññataraṃ devaputta’’ntiādi.
д̇ам̣ банзд̇ам̣ бавад̇д̇им̣ ааяасмаа махаамог̇г̇аллаано мануссалогам̣ ааг̇анд̇ваа бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа вид̇т̇аарзна д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Taṃ panetaṃ pavattiṃ āyasmā mahāmoggallāno manussalokaṃ āgantvā bhagavato ārocesi. Bhagavā tamatthaṃ aṭṭhuppattiṃ katvā sampattaparisāya vitthārena dhammaṃ desesi. Sā desanā mahājanassa sātthikā ahosīti.
нааг̇авимаанаван̣н̣анаа нидтид̇аа.
Nāgavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 10. батаманааг̇авимаанавад̇т̇у • 10. Paṭhamanāgavimānavatthu
