5. Paṭhamamittasuttaṃ

36. ‘‘Sattahi, bhikkhave, aṅgehi samannāgato mitto sevitabbo. Katamehi sattahi? Duddadaṃ dadāti, dukkaraṃ karoti, dukkhamaṃ khamati, guyhamassa ⁵ āvi karoti, guyhamassa ⁶ pariguhati ⁷, āpadāsu na jahati, khīṇena ⁸ nātimaññati. Imehi kho, bhikkhave, sattahi aṅgehi samannāgato mitto sevitabbo’’ti .

‘‘Duddadaṃ dadāti mitto, dukkarañcāpi kubbati;

Athopissa duruttāni, khamati dukkhamāni ca ¹⁰.

‘‘Guyhañca tassa ¹² akkhāti, guyhassa parigūhati;

Āpadāsu na jahāti, khīṇena nātimaññati.

‘‘Yamhi etāni ṭhānāni, saṃvijjantīdha ¹⁴ puggale;

So mitto mittakāmena, bhajitabbo tathāvidho’’ti. pañcamaṃ;