| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. মিগজালৰগ্গো
7. Migajālavaggo
১. পঠমমিগজালসুত্তৰণ্ণনা
1. Paṭhamamigajālasuttavaṇṇanā
৬৩. চক্খুৰিঞ্ঞাণং দস্সনকিচ্চন্তি ৰুত্তচক্খুৰিঞ্ঞাণেন পস্সিতব্বন্তি আহ ‘‘ইট্ঠারম্মণভূতা’’তি। কমনীযাতি কামেতব্বা। মনং অপ্পাযন্তীতি মনাপাতি আহ ‘‘মনৰড্ঢনকা’’তি। পিযাযিতব্বসভাৰা পিযরূপা। কামূপসংহিতাতি কামপটিসংযুত্তা। আলম্বিতব্বতা এৰ চেত্থ উপসংহিততাতি ‘‘আরম্মণং কত্ৰা’’তিআদিমাহ। তণ্হাসঙ্খাতা নন্দী তণ্হানন্দী, ন তুট্ঠিনন্দীযেৰ ‘‘নন্দিং চরতী’’তিআদীসু ৰিয। গামন্তন্তি গামসমীপং। ‘‘অনুপচারট্ঠান’’ন্তি ৰত্ৰা তং দস্সেতি ‘‘যত্থা’’তিআদিনা।
63. Cakkhuviññāṇaṃ dassanakiccanti vuttacakkhuviññāṇena passitabbanti āha ‘‘iṭṭhārammaṇabhūtā’’ti. Kamanīyāti kāmetabbā. Manaṃ appāyantīti manāpāti āha ‘‘manavaḍḍhanakā’’ti. Piyāyitabbasabhāvā piyarūpā. Kāmūpasaṃhitāti kāmapaṭisaṃyuttā. Ālambitabbatā eva cettha upasaṃhitatāti ‘‘ārammaṇaṃ katvā’’tiādimāha. Taṇhāsaṅkhātā nandī taṇhānandī, na tuṭṭhinandīyeva ‘‘nandiṃ caratī’’tiādīsu viya. Gāmantanti gāmasamīpaṃ. ‘‘Anupacāraṭṭhāna’’nti vatvā taṃ dasseti ‘‘yatthā’’tiādinā.
এত্থাতি যথানীহতে পাঠে। ‘‘ইমং একং পরিযাযং ঠপেত্ৰা’’তি ৰুত্তং তস্স ‘‘পন্তানী’’তিপদেন সঙ্গহিতত্তা। অপ্পসদ্দানি অপ্পনিগ্ঘোসানীতি এত্থ অপ্প-সদ্দো অভাৰত্থো।
Etthāti yathānīhate pāṭhe. ‘‘Imaṃ ekaṃ pariyāyaṃ ṭhapetvā’’ti vuttaṃ tassa ‘‘pantānī’’tipadena saṅgahitattā. Appasaddāni appanigghosānīti ettha appa-saddo abhāvattho.
পঠমমিগজালসুত্তৰণ্ণনা নিট্ঠিতা।
Paṭhamamigajālasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. পঠমমিগজালসুত্তং • 1. Paṭhamamigajālasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. পঠমমিগজালসুত্তৰণ্ণনা • 1. Paṭhamamigajālasuttavaṇṇanā
