| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. மிக³ஜாலவக்³கோ³
7. Migajālavaggo
1. பட²மமிக³ஜாலஸுத்தவண்ணனா
1. Paṭhamamigajālasuttavaṇṇanā
63. சக்கு²விஞ்ஞாணங் த³ஸ்ஸனகிச்சந்தி வுத்தசக்கு²விஞ்ஞாணேன பஸ்ஸிதப்³ப³ந்தி ஆஹ ‘‘இட்டா²ரம்மணபூ⁴தா’’தி. கமனீயாதி காமேதப்³பா³. மனங் அப்பாயந்தீதி மனாபாதி ஆஹ ‘‘மனவட்³ட⁴னகா’’தி. பியாயிதப்³ப³ஸபா⁴வா பியரூபா. காமூபஸங்ஹிதாதி காமபடிஸங்யுத்தா. ஆலம்பி³தப்³ப³தா ஏவ செத்த² உபஸங்ஹிததாதி ‘‘ஆரம்மணங் கத்வா’’திஆதி³மாஹ. தண்ஹாஸங்கா²தா நந்தீ³ தண்ஹானந்தீ³, ந துட்டி²னந்தீ³யேவ ‘‘நந்தி³ங் சரதீ’’திஆதீ³ஸு விய. கா³மந்தந்தி கா³மஸமீபங். ‘‘அனுபசாரட்டா²ன’’ந்தி வத்வா தங் த³ஸ்ஸேதி ‘‘யத்தா²’’திஆதி³னா.
63. Cakkhuviññāṇaṃ dassanakiccanti vuttacakkhuviññāṇena passitabbanti āha ‘‘iṭṭhārammaṇabhūtā’’ti. Kamanīyāti kāmetabbā. Manaṃ appāyantīti manāpāti āha ‘‘manavaḍḍhanakā’’ti. Piyāyitabbasabhāvā piyarūpā. Kāmūpasaṃhitāti kāmapaṭisaṃyuttā. Ālambitabbatā eva cettha upasaṃhitatāti ‘‘ārammaṇaṃ katvā’’tiādimāha. Taṇhāsaṅkhātā nandī taṇhānandī, na tuṭṭhinandīyeva ‘‘nandiṃ caratī’’tiādīsu viya. Gāmantanti gāmasamīpaṃ. ‘‘Anupacāraṭṭhāna’’nti vatvā taṃ dasseti ‘‘yatthā’’tiādinā.
எத்தா²தி யதா²னீஹதே பாடே². ‘‘இமங் ஏகங் பரியாயங் ட²பெத்வா’’தி வுத்தங் தஸ்ஸ ‘‘பந்தானீ’’திபதே³ன ஸங்க³ஹிதத்தா. அப்பஸத்³தா³னி அப்பனிக்³கோ⁴ஸானீதி எத்த² அப்ப-ஸத்³தோ³ அபா⁴வத்தோ².
Etthāti yathānīhate pāṭhe. ‘‘Imaṃ ekaṃ pariyāyaṃ ṭhapetvā’’ti vuttaṃ tassa ‘‘pantānī’’tipadena saṅgahitattā. Appasaddāni appanigghosānīti ettha appa-saddo abhāvattho.
பட²மமிக³ஜாலஸுத்தவண்ணனா நிட்டி²தா.
Paṭhamamigajālasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. பட²மமிக³ஜாலஸுத்தங் • 1. Paṭhamamigajālasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. பட²மமிக³ஜாலஸுத்தவண்ணனா • 1. Paṭhamamigajālasuttavaṇṇanā
