| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. បឋមមារបាសសុត្តវណ្ណនា
4. Paṭhamamārapāsasuttavaṇṇanā
១៤០. ចតុត្ថេ យោនិសោ មនសិការាតិ ឧបាយមនសិការេន។ យោនិសោ សម្មប្បធានាតិ ឧបាយវីរិយេន ការណវីរិយេន។ វិមុត្តីតិ អរហត្តផលវិមុត្តិ។ អជ្ឈភាសីតិ ‘‘អយំ អត្តនា វីរិយំ កត្វា អរហត្តំ បត្វាបិ ន តុស្សតិ, ឥទានិ អញ្ញេសម្បិ ‘បាបុណាថា’តិ ឧស្សាហំ ករោតិ, បដិពាហេស្សាមិ ន’’ន្តិ ចិន្តេត្វា អភាសិ។
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
មារបាសេនាតិ កិលេសបាសេន។ យេ ទិព្ពា យេ ច មានុសាតិ យេ ទិព្ពា កាមគុណសង្ខាតា មានុសា កាមគុណសង្ខាតា ច មារបាសា នាម អត្ថិ, សព្ពេហិ តេហិ ត្វំ ពទ្ធោតិ វទតិ។ មារពន្ធនពទ្ធោតិ មារពន្ធនេន ពទ្ធោ, មារពន្ធនេ វា ពទ្ធោ។ ន មេ សមណ មោក្ខសីតិ សមណ ត្វំ មម វិសយតោ ន មុច្ចិស្សសិ។ ចតុត្ថំ។
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. បឋមមារបាសសុត្តំ • 4. Paṭhamamārapāsasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. បឋមមារបាសសុត្តវណ្ណនា • 4. Paṭhamamārapāsasuttavaṇṇanā
