| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. পঠমমারপাসসুত্তৰণ্ণনা
4. Paṭhamamārapāsasuttavaṇṇanā
১৪০. চতুত্থে যোনিসো মনসিকারাতি উপাযমনসিকারেন। যোনিসো সম্মপ্পধানাতি উপাযৰীরিযেন কারণৰীরিযেন। ৰিমুত্তীতি অরহত্তফলৰিমুত্তি। অজ্ঝভাসীতি ‘‘অযং অত্তনা ৰীরিযং কত্ৰা অরহত্তং পত্ৰাপি ন তুস্সতি, ইদানি অঞ্ঞেসম্পি ‘পাপুণাথা’তি উস্সাহং করোতি, পটিবাহেস্সামি ন’’ন্তি চিন্তেত্ৰা অভাসি।
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
মারপাসেনাতি কিলেসপাসেন। যে দিব্বা যে চ মানুসাতি যে দিব্বা কামগুণসঙ্খাতা মানুসা কামগুণসঙ্খাতা চ মারপাসা নাম অত্থি, সব্বেহি তেহি ত্ৰং বদ্ধোতি ৰদতি। মারবন্ধনবদ্ধোতি মারবন্ধনেন বদ্ধো, মারবন্ধনে ৰা বদ্ধো। ন মে সমণ মোক্খসীতি সমণ ত্ৰং মম ৰিসযতো ন মুচ্চিস্সসি। চতুত্থং।
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. পঠমমারপাসসুত্তং • 4. Paṭhamamārapāsasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পঠমমারপাসসুত্তৰণ্ণনা • 4. Paṭhamamārapāsasuttavaṇṇanā
