| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਪਠਮਮਰਣਸ੍ਸਤਿਸੁਤ੍ਤਂ
3. Paṭhamamaraṇassatisuttaṃ
੭੩. ਏਕਂ ਸਮਯਂ ਭਗવਾ ਨਾਤਿਕੇ 1 વਿਹਰਤਿ ਗਿਞ੍ਜਕਾવਸਥੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ । ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ – ‘‘ਮਰਣਸ੍ਸਤਿ, ਭਿਕ੍ਖવੇ, ਭਾવਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ ਅਮਤੋਗਧਾ ਅਮਤਪਰਿਯੋਸਾਨਾ। ਭਾવੇਥ ਨੋ ਤੁਮ੍ਹੇ, ਭਿਕ੍ਖવੇ, ਮਰਣਸ੍ਸਤਿ’’ਨ੍ਤਿ।
73. Ekaṃ samayaṃ bhagavā nātike 2 viharati giñjakāvasathe. Tatra kho bhagavā bhikkhū āmantesi – ‘‘bhikkhavo’’ti . ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘maraṇassati, bhikkhave, bhāvitā bahulīkatā mahapphalā hoti mahānisaṃsā amatogadhā amatapariyosānā. Bhāvetha no tumhe, bhikkhave, maraṇassati’’nti.
ਏવਂ વੁਤ੍ਤੇ ਅਞ੍ਞਤਰੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਂ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਰਤ੍ਤਿਨ੍ਦਿવਂ ਜੀવੇਯ੍ਯਂ , ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ 3 વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Evaṃ vutte aññataro bhikkhu bhagavantaṃ etadavoca – ‘‘ahaṃ kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ rattindivaṃ jīveyyaṃ , bhagavato sāsanaṃ manasi kareyyaṃ, bahu 4 vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਦਿવਸਂ ਜੀવੇਯ੍ਯਂ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ divasaṃ jīveyyaṃ, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਉਪਡ੍ਢਦਿવਸਂ ਜੀવੇਯ੍ਯਂ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ upaḍḍhadivasaṃ jīveyyaṃ, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ । ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਏਕਪਿਣ੍ਡਪਾਤਂ ਭੁਞ੍ਜਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti . ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ tadantaraṃ jīveyyaṃ yadantaraṃ ekapiṇḍapātaṃ bhuñjāmi, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ , ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਉਪਡ੍ਢਪਿਣ੍ਡਪਾਤਂ ਭੁਞ੍ਜਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ , bhante, evaṃ hoti – ‘aho vatāhaṃ tadantaraṃ jīveyyaṃ yadantaraṃ upaḍḍhapiṇḍapātaṃ bhuñjāmi, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਚਤ੍ਤਾਰੋ ਪਞ੍ਚ ਆਲੋਪੇ ਸਙ੍ਖਾਦਿਤ੍વਾ 5 ਅਜ੍ਝੋਹਰਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ tadantaraṃ jīveyyaṃ yadantaraṃ cattāro pañca ālope saṅkhāditvā 6 ajjhoharāmi, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ, ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਏਕਂ ਆਲੋਪਂ ਸਙ੍ਖਾਦਿਤ੍વਾ 7 ਅਜ੍ਝੋਹਰਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ, bhante, evaṃ hoti – ‘aho vatāhaṃ tadantaraṃ jīveyyaṃ yadantaraṃ ekaṃ ālopaṃ saṅkhāditvā 8 ajjhoharāmi, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante, bhāvemi maraṇassati’’nti.
ਅਞ੍ਞਤਰੋਪਿ ਖੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਹਮ੍ਪਿ ਖੋ, ਭਨ੍ਤੇ, ਭਾવੇਮਿ ਮਰਣਸ੍ਸਤਿ’’ਨ੍ਤਿ। ‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਭਾવੇਸਿ ਮਰਣਸ੍ਸਤਿ’’ਨ੍ਤਿ? ‘‘ਇਧ ਮਯ੍ਹਂ ਭਨ੍ਤੇ, ਏવਂ ਹੋਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਅਸ੍ਸਸਿਤ੍વਾ વਾ ਪਸ੍ਸਸਾਮਿ, ਪਸ੍ਸਸਿਤ੍વਾ વਾ ਅਸ੍ਸਸਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਏવਂ ਖੋ ਅਹਂ, ਭਨ੍ਤੇ ਭਾવੇਮਿ ਮਰਣਸ੍ਸਤਿ’’ਨ੍ਤਿ।
Aññataropi kho bhikkhu bhagavantaṃ etadavoca – ‘‘ahampi kho, bhante, bhāvemi maraṇassati’’nti. ‘‘Yathā kathaṃ pana tvaṃ, bhikkhu, bhāvesi maraṇassati’’nti? ‘‘Idha mayhaṃ bhante, evaṃ hoti – ‘aho vatāhaṃ tadantaraṃ jīveyyaṃ yadantaraṃ assasitvā vā passasāmi, passasitvā vā assasāmi, bhagavato sāsanaṃ manasi kareyyaṃ, bahu vata me kataṃ assā’ti. Evaṃ kho ahaṃ, bhante bhāvemi maraṇassati’’nti.
ਏવਂ વੁਤ੍ਤੇ ਭਗવਾ ਤੇ ਭਿਕ੍ਖੂ ਏਤਦવੋਚ – ‘‘ਯ੍વਾਯਂ 9, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਰਤ੍ਤਿਨ੍ਦਿવਂ ਜੀવੇਯ੍ਯਂ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਯੋ ਚਾਯਂ 10, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਦਿવਸਂ ਜੀવੇਯ੍ਯਂ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ; ਯੋ ਚਾਯਂ 11, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਉਪਡ੍ਢਦਿવਸਂ ਜੀવੇਯ੍ਯਂ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਯੋ ਚਾਯਂ 12, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਏਕਪਿਣ੍ਡਪਾਤਂ ਭੁਞ੍ਜਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ; ਯੋ ਚਾਯਂ 13, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਉਪਡ੍ਢਪਿਣ੍ਡਪਾਤਂ ਭੁਞ੍ਜਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਯੋ ਚਾਯਂ 14, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਚਤ੍ਤਾਰੋ ਪਞ੍ਚ ਆਲੋਪੇ ਸਙ੍ਖਾਦਿਤ੍વਾ ਅਜ੍ਝੋਹਰਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ – ਇਮੇ વੁਚ੍ਚਨ੍ਤਿ, ਭਿਕ੍ਖવੇ, ‘ਭਿਕ੍ਖੂ ਪਮਤ੍ਤਾ વਿਹਰਨ੍ਤਿ, ਦਨ੍ਧਂ ਮਰਣਸ੍ਸਤਿਂ ਭਾવੇਨ੍ਤਿ ਆਸવਾਨਂ ਖਯਾਯ’’’।
Evaṃ vutte bhagavā te bhikkhū etadavoca – ‘‘yvāyaṃ 15, bhikkhave, bhikkhu evaṃ maraṇassatiṃ bhāveti – ‘aho vatāhaṃ rattindivaṃ jīveyyaṃ, bhagavato sāsanaṃ manasi kareyyaṃ, bahu vata me kataṃ assā’ti. Yo cāyaṃ 16, bhikkhave, bhikkhu evaṃ maraṇassatiṃ bhāveti – ‘aho vatāhaṃ divasaṃ jīveyyaṃ, bhagavato sāsanaṃ manasi kareyyaṃ, bahu vata me kataṃ assā’ti; yo cāyaṃ 17, bhikkhave, bhikkhu evaṃ maraṇassatiṃ bhāveti – ‘aho vatāhaṃ upaḍḍhadivasaṃ jīveyyaṃ, bhagavato sāsanaṃ manasi kareyyaṃ, bahu vata me kataṃ assā’ti. Yo cāyaṃ 18, bhikkhave, bhikkhu evaṃ maraṇassatiṃ bhāveti – ‘aho vatāhaṃ tadantaraṃ jīveyyaṃ yadantaraṃ ekapiṇḍapātaṃ bhuñjāmi, bhagavato sāsanaṃ manasi kareyyaṃ, bahu vata me kataṃ assā’ti; yo cāyaṃ 19, bhikkhave, bhikkhu evaṃ maraṇassatiṃ bhāveti – ‘aho vatāhaṃ tadantaraṃ jīveyyaṃ yadantaraṃ upaḍḍhapiṇḍapātaṃ bhuñjāmi, bhagavato sāsanaṃ manasi kareyyaṃ, bahu vata me kataṃ assā’ti. Yo cāyaṃ 20, bhikkhave, bhikkhu evaṃ maraṇassatiṃ bhāveti – ‘aho vatāhaṃ tadantaraṃ jīveyyaṃ yadantaraṃ cattāro pañca ālope saṅkhāditvā ajjhoharāmi, bhagavato sāsanaṃ manasi kareyyaṃ, bahu vata me kataṃ assā’ti – ime vuccanti, bhikkhave, ‘bhikkhū pamattā viharanti, dandhaṃ maraṇassatiṃ bhāventi āsavānaṃ khayāya’’’.
‘‘ਯੋ ਚ ਖ੍વਾਯਂ 21, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਏਕਂ ਆਲੋਪਂ ਸਙ੍ਖਾਦਿਤ੍વਾ ਅਜ੍ਝੋਹਰਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ। ਯੋ ਚਾਯਂ 22, ਭਿਕ੍ਖવੇ, ਭਿਕ੍ਖੁ ਏવਂ ਮਰਣਸ੍ਸਤਿਂ ਭਾવੇਤਿ – ‘ਅਹੋ વਤਾਹਂ ਤਦਨ੍ਤਰਂ ਜੀવੇਯ੍ਯਂ ਯਦਨ੍ਤਰਂ ਅਸ੍ਸਸਿਤ੍વਾ વਾ ਪਸ੍ਸਸਾਮਿ, ਪਸ੍ਸਸਿਤ੍વਾ વਾ ਅਸ੍ਸਸਾਮਿ, ਭਗવਤੋ ਸਾਸਨਂ ਮਨਸਿ ਕਰੇਯ੍ਯਂ, ਬਹੁ વਤ ਮੇ ਕਤਂ ਅਸ੍ਸਾ’ਤਿ – ਇਮੇ વੁਚ੍ਚਨ੍ਤਿ, ਭਿਕ੍ਖવੇ, ‘ਭਿਕ੍ਖੂ ਅਪ੍ਪਮਤ੍ਤਾ વਿਹਰਨ੍ਤਿ, ਤਿਕ੍ਖਂ ਮਰਣਸ੍ਸਤਿਂ ਭਾવੇਨ੍ਤਿ ਆਸવਾਨਂ ਖਯਾਯ’’’।
‘‘Yo ca khvāyaṃ 23, bhikkhave, bhikkhu evaṃ maraṇassatiṃ bhāveti – ‘aho vatāhaṃ tadantaraṃ jīveyyaṃ yadantaraṃ ekaṃ ālopaṃ saṅkhāditvā ajjhoharāmi, bhagavato sāsanaṃ manasi kareyyaṃ, bahu vata me kataṃ assā’ti. Yo cāyaṃ 24, bhikkhave, bhikkhu evaṃ maraṇassatiṃ bhāveti – ‘aho vatāhaṃ tadantaraṃ jīveyyaṃ yadantaraṃ assasitvā vā passasāmi, passasitvā vā assasāmi, bhagavato sāsanaṃ manasi kareyyaṃ, bahu vata me kataṃ assā’ti – ime vuccanti, bhikkhave, ‘bhikkhū appamattā viharanti, tikkhaṃ maraṇassatiṃ bhāventi āsavānaṃ khayāya’’’.
‘‘ਤਸ੍ਮਾਤਿਹ, ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਅਪ੍ਪਮਤ੍ਤਾ વਿਹਰਿਸ੍ਸਾਮ, ਤਿਕ੍ਖਂ ਮਰਣਸ੍ਸਤਿਂ ਭਾવਯਿਸ੍ਸਾਮ ਆਸવਾਨਂ ਖਯਾਯਾ’ਤਿ। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਤਤਿਯਂ।
‘‘Tasmātiha, bhikkhave, evaṃ sikkhitabbaṃ – ‘appamattā viharissāma, tikkhaṃ maraṇassatiṃ bhāvayissāma āsavānaṃ khayāyā’ti. Evañhi vo, bhikkhave, sikkhitabba’’nti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩-੯. ਮਰਣਸ੍ਸਤਿਸੁਤ੍ਤਦ੍વਯਾਦਿવਣ੍ਣਨਾ • 3-9. Maraṇassatisuttadvayādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਸਦ੍ਧਾਸੁਤ੍ਤਾਦਿવਣ੍ਣਨਾ • 1-10. Saddhāsuttādivaṇṇanā
