| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. សរណានិវគ្គោ
3. Saraṇānivaggo
១-២. បឋមមហានាមសុត្តាទិវណ្ណនា
1-2. Paṭhamamahānāmasuttādivaṇṇanā
១០១៧-១៨. តតិយស្ស បឋមេ ឥទ្ធន្តិ តេលមធុផាណិតាទីហិ សមិទ្ធំ។ ផីតន្តិ ហត្ថូបគសីសូបគគីវូបគាទិអលង្ការវសេន សុបុប្ផិតំ។ អាកិណ្ណមនុស្សន្តិ និរន្តរមនុស្សំ។ សម្ពាធព្យូហន្តិ ព្យូហា វុច្ចន្តិ អវិនិព្ពិទ្ធរច្ឆាយោ, យា បវិដ្ឋមគ្គេនេវ និគ្គច្ឆន្តិ, តា សម្ពាធា ព្យូហា ពហុកា ឯត្ថាតិ សម្ពាធព្យូហំ។ ឥមិនាបិ នគរស្ស ឃនវាសមេវ ទីបេតិ។ ភន្តេនាតិ ឥតោ ចិតោ ច បរិព្ភមន្តេន ឧទ្ធតចារិនា។ ទុតិយំ ឧត្តានមេវ។
1017-18. Tatiyassa paṭhame iddhanti telamadhuphāṇitādīhi samiddhaṃ. Phītanti hatthūpagasīsūpagagīvūpagādialaṅkāravasena supupphitaṃ. Ākiṇṇamanussanti nirantaramanussaṃ. Sambādhabyūhanti byūhā vuccanti avinibbiddharacchāyo, yā paviṭṭhamaggeneva niggacchanti, tā sambādhā byūhā bahukā etthāti sambādhabyūhaṃ. Imināpi nagarassa ghanavāsameva dīpeti. Bhantenāti ito cito ca paribbhamantena uddhatacārinā. Dutiyaṃ uttānameva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
១. បឋមមហានាមសុត្តំ • 1. Paṭhamamahānāmasuttaṃ
២. ទុតិយមហានាមសុត្តំ • 2. Dutiyamahānāmasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-២. បឋមមហានាមសុត្តាទិវណ្ណនា • 1-2. Paṭhamamahānāmasuttādivaṇṇanā
