| Library / Tipiṭaka / তিপিটক • Tipiṭaka / ধম্মসঙ্গণী-মূলটীকা • Dhammasaṅgaṇī-mūlaṭīkā |
পঠমমগ্গৰীসতিমহানযৰণ্ণনা
Paṭhamamaggavīsatimahānayavaṇṇanā
৩৫৭. যস্স পুব্বভাগে ‘‘মগ্গং ভাৰেমী’’তি অজ্ঝাসযো পৰত্তো, সো মগ্গং ভাৰেতি। এৰং সব্বত্থ অজ্ঝাসযৰিসেসেন তংতংভাৰনাৰিসেসো দট্ঠব্বো।
357. Yassa pubbabhāge ‘‘maggaṃ bhāvemī’’ti ajjhāsayo pavatto, so maggaṃ bhāveti. Evaṃ sabbattha ajjhāsayavisesena taṃtaṃbhāvanāviseso daṭṭhabbo.
৩৫৮. ছন্দাধিপতেয্যন্তিআদীসু একচিত্তক্খণে ৰত্তমানেসু ধম্মেসু কথং ছন্দস্স তংসহজাতস্স অধিপতিভাৰো ৰীরিযাদীনঞ্চাতি? উপনিস্সযৰসেন। যস্স হি সচে ছন্দৰতো কুসলং নিপ্ফজ্জতি, ‘‘অহং নিপ্ফাদেস্সামী’’তি পৰত্তমানস্স কুসলং নিপ্ফন্নং, তস্স তংসহজাতো ছন্দো তেন পুরিমুপনিস্সযেন ৰিসিট্ঠো সহজাতধম্মে অত্তনো ৰসে ৰত্তেতি। তস্মিঞ্চ পৰত্তমানে তে পৰত্তন্তি, নিৰত্তমানে নিৰত্তন্তি, তদনুরূপবলা চ হোন্তি রাজপুরিসা ৰিযাতি। এৰং ৰীরিযাদীসু। সেসধম্মানং পন কত্থচি ৰুত্তপ্পকারপ্পৰত্তিসব্ভাৰেপি অতংসভাৰত্তা অধিপতিভাৰো নত্থীতি দট্ঠব্বো।
358. Chandādhipateyyantiādīsu ekacittakkhaṇe vattamānesu dhammesu kathaṃ chandassa taṃsahajātassa adhipatibhāvo vīriyādīnañcāti? Upanissayavasena. Yassa hi sace chandavato kusalaṃ nipphajjati, ‘‘ahaṃ nipphādessāmī’’ti pavattamānassa kusalaṃ nipphannaṃ, tassa taṃsahajāto chando tena purimupanissayena visiṭṭho sahajātadhamme attano vase vatteti. Tasmiñca pavattamāne te pavattanti, nivattamāne nivattanti, tadanurūpabalā ca honti rājapurisā viyāti. Evaṃ vīriyādīsu. Sesadhammānaṃ pana katthaci vuttappakārappavattisabbhāvepi ataṃsabhāvattā adhipatibhāvo natthīti daṭṭhabbo.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধম্মসঙ্গণীপাল়ি • Dhammasaṅgaṇīpāḷi / লোকুত্তরকুসলং • Lokuttarakusalaṃ
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / ধম্মসঙ্গণি-অট্ঠকথা • Dhammasaṅgaṇi-aṭṭhakathā / পঠমমগ্গৰীসতিমহানযো • Paṭhamamaggavīsatimahānayo
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / ধম্মসঙ্গণী-অনুটীকা • Dhammasaṅgaṇī-anuṭīkā / পঠমমগ্গৰীসতিমহানযৰণ্ণনা • Paṭhamamaggavīsatimahānayavaṇṇanā
