| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༥. པཋམལོཀདྷམྨསུཏྟཝཎྞནཱ
5. Paṭhamalokadhammasuttavaṇṇanā
༥. པཉྩམེ ལོཀསྶ དྷམྨཱཏི སཏྟལོཀསྶ ཨཝསྶཾབྷཱཝིདྷམྨཱ། ཏེནཱཧ ‘‘ཨེཏེཧི མུཏྟཱ ནཱམ ནཏྠི’’ཏིཨཱདི། གྷཱསཙྪཱདནཱདཱིནཾ ལདྡྷི ལཱབྷོ, ཏཱནི ཨེཝ ཝཱ ལདྡྷབྦཏོ ལཱབྷོ, ཏདབྷཱཝོ ཨལཱབྷོ, ལཱབྷགྒཧཎེན ཙེཏྠ ཏབྦིསཡོ ཨནུརོདྷོ གཧིཏོ, ཨལཱབྷགྒཧཎེན ཝིརོདྷོ། ཡསྨཱ ལོཧིཏེ སཏི ཏདུཔགྷཱཏཝསེན པུབྦོ ཝིཡ ཨནུརོདྷོ ལདྡྷཱཝསརོ ཨེཝ ཧོཏི, ཏསྨཱ ཝུཏྟཾ ‘‘ལཱབྷེ ཨཱགཏེ ཨལཱབྷོ ཨཱགཏོཡེཝཱ’’ཏི། ཨེས ནཡོ ཡསཱདཱིསུཔི། སེསཾ སུཝིཉྙེཡྻམེཝ།
5. Pañcame lokassa dhammāti sattalokassa avassaṃbhāvidhammā. Tenāha ‘‘etehi muttā nāma natthi’’tiādi. Ghāsacchādanādīnaṃ laddhi lābho, tāni eva vā laddhabbato lābho, tadabhāvo alābho, lābhaggahaṇena cettha tabbisayo anurodho gahito, alābhaggahaṇena virodho. Yasmā lohite sati tadupaghātavasena pubbo viya anurodho laddhāvasaro eva hoti, tasmā vuttaṃ ‘‘lābhe āgate alābho āgatoyevā’’ti. Esa nayo yasādīsupi. Sesaṃ suviññeyyameva.
པཋམལོཀདྷམྨསུཏྟཝཎྞནཱ ནིཊྛིཏཱ།
Paṭhamalokadhammasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. པཋམལོཀདྷམྨསུཏྟཾ • 5. Paṭhamalokadhammasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. པཋམལོཀདྷམྨསུཏྟཝཎྞནཱ • 5. Paṭhamalokadhammasuttavaṇṇanā
