| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. দেৰপুত্তসংযুত্তং
2. Devaputtasaṃyuttaṃ
১. পঠমৰগ্গো
1. Paṭhamavaggo
১. পঠমকস্সপসুত্তং
1. Paṭhamakassapasuttaṃ
৮২. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। অথ খো কস্সপো দেৰপুত্তো অভিক্কন্তায রত্তিযা অভিক্কন্তৰণ্ণো কেৰলকপ্পং জেতৰনং ওভাসেত্ৰা যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং অট্ঠাসি। একমন্তং ঠিতো খো কস্সপো দেৰপুত্তো ভগৰন্তং এতদৰোচ – ‘‘ভিক্খুং ভগৰা পকাসেসি, নো চ ভিক্খুনো অনুসাস’’ন্তি। ‘‘তেন হি কস্সপ, তঞ্ঞেৰেত্থ পটিভাতূ’’তি।
82. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho kassapo devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kassapo devaputto bhagavantaṃ etadavoca – ‘‘bhikkhuṃ bhagavā pakāsesi, no ca bhikkhuno anusāsa’’nti. ‘‘Tena hi kassapa, taññevettha paṭibhātū’’ti.
‘‘সুভাসিতস্স সিক্খেথ, সমণূপাসনস্স চ।
‘‘Subhāsitassa sikkhetha, samaṇūpāsanassa ca;
একাসনস্স চ রহো, চিত্তৰূপসমস্স চা’’তি॥
Ekāsanassa ca raho, cittavūpasamassa cā’’ti.
ইদমৰোচ কস্সপো দেৰপুত্তো; সমনুঞ্ঞো সত্থা অহোসি। অথ খো কস্সপো দেৰপুত্তো ‘‘সমনুঞ্ঞো মে সত্থা’’তি ভগৰন্তং অভিৰাদেত্ৰা পদক্খিণং কত্ৰা তত্থেৰন্তরধাযীতি।
Idamavoca kassapo devaputto; samanuñño satthā ahosi. Atha kho kassapo devaputto ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyīti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. পঠমকস্সপসুত্তৰণ্ণনা • 1. Paṭhamakassapasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. পঠমকস্সপসুত্তৰণ্ণনা • 1. Paṭhamakassapasuttavaṇṇanā
