| Library / Tipiṭaka / ཏིཔིཊཀ • Tipiṭaka / ཝིམཱནཝཏྠུཔཱལི༹ • Vimānavatthupāḷi |
༦. པཋམཀརཎཱིཡཝིམཱནཝཏྠུ
6. Paṭhamakaraṇīyavimānavatthu
༩༢༦.
926.
‘‘ཨུཙྩམིདཾ མཎིཐཱུཎཾ ཝིམཱནཾ, སམནྟཏོ དྭཱདས ཡོཛནཱནི།
‘‘Uccamidaṃ maṇithūṇaṃ vimānaṃ, samantato dvādasa yojanāni;
ཀཱུཊཱགཱརཱ སཏྟསཏཱ ཨུལཱ༹རཱ, ཝེལུ༹རིཡཐམྦྷཱ རུཙཀཏྠཏཱ སུབྷཱ༎
Kūṭāgārā sattasatā uḷārā, veḷuriyathambhā rucakatthatā subhā.
༩༢༧.
927.
‘‘ཏཏྠཙྪསི པིཝསི ཁཱདསི ཙ, དིབྦཱ ཙ ཝཱིཎཱ པཝདནྟི ཝགྒུཾ།
‘‘Tatthacchasi pivasi khādasi ca, dibbā ca vīṇā pavadanti vagguṃ;
དིབྦཱ རསཱ ཀཱམགུཎེཏྠ པཉྩ, ནཱརིཡོ ཙ ནཙྩནྟི སུཝཎྞཚནྣཱ༎
Dibbā rasā kāmaguṇettha pañca, nāriyo ca naccanti suvaṇṇachannā.
༩༢༨.
928.
‘‘ཀེན ཏེཏཱདིསོ ཝཎྞོ…པེ॰…
‘‘Kena tetādiso vaṇṇo…pe…
ཝཎྞོ ཙ ཏེ སབྦདིསཱ པབྷཱསཏཱི’’ཏི༎
Vaṇṇo ca te sabbadisā pabhāsatī’’ti.
༩༣༠.
930.
སོ དེཝཔུཏྟོ ཨཏྟམནོ…པེ॰…ཡསྶ ཀམྨསྶིདཾ ཕལཾ༎
So devaputto attamano…pe…yassa kammassidaṃ phalaṃ.
༩༣༡.
931.
‘‘ཀརཎཱིཡཱནི པུཉྙཱནི, པཎྜིཏེན ཝིཛཱནཏཱ།
‘‘Karaṇīyāni puññāni, paṇḍitena vijānatā;
སམྨགྒཏེསུ བུདྡྷེསུ, ཡཏྠ དིནྣཾ མཧཔྥལཾ༎
Sammaggatesu buddhesu, yattha dinnaṃ mahapphalaṃ.
༩༣༢.
932.
‘‘ཨཏྠཱཡ ཝཏ མེ བུདྡྷོ, ཨརཉྙཱ གཱམམཱགཏོ།
‘‘Atthāya vata me buddho, araññā gāmamāgato;
༩༣༣.
933.
‘‘ཏེན མེཏཱདིསོ ཝཎྞོ…པེ॰…ཝཎྞོ ཙ མེ སབྦདིསཱ པབྷཱསཏཱི’’ཏི༎
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
པཋམཀརཎཱིཡཝིམཱནཾ ཚཊྛཾ།
Paṭhamakaraṇīyavimānaṃ chaṭṭhaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཝིམཱནཝཏྠུ-ཨཊྛཀཐཱ • Vimānavatthu-aṭṭhakathā / ༦. པཋམཀརཎཱིཡཝིམཱནཝཎྞནཱ • 6. Paṭhamakaraṇīyavimānavaṇṇanā
