| Library / Tipiṭaka / တိပိဋက • Tipiṭaka / ဝိမာနဝတ္ထုပာဠိ • Vimānavatthupāḷi |
၆. ပဌမကရဏီယဝိမာနဝတ္ထု
6. Paṭhamakaraṇīyavimānavatthu
၉၂၆.
926.
‘‘ဥစ္စမိဒံ မဏိထူဏံ ဝိမာနံ၊ သမန္တတော ဒ္ဝာဒသ ယောဇနာနိ။
‘‘Uccamidaṃ maṇithūṇaṃ vimānaṃ, samantato dvādasa yojanāni;
ကူဋာဂာရာ သတ္တသတာ ဥဠာရာ၊ ဝေဠုရိယထမ္ဘာ ရုစကတ္ထတာ သုဘာ။
Kūṭāgārā sattasatā uḷārā, veḷuriyathambhā rucakatthatā subhā.
၉၂၇.
927.
‘‘တတ္ထစ္ဆသိ ပိဝသိ ခာဒသိ စ၊ ဒိဗ္ဗာ စ ဝီဏာ ပဝဒန္တိ ဝဂ္ဂုံ။
‘‘Tatthacchasi pivasi khādasi ca, dibbā ca vīṇā pavadanti vagguṃ;
ဒိဗ္ဗာ ရသာ ကာမဂုဏေတ္ထ ပဉ္စ၊ နာရိယော စ နစ္စန္တိ သုဝဏ္ဏဆန္နာ။
Dibbā rasā kāmaguṇettha pañca, nāriyo ca naccanti suvaṇṇachannā.
၉၂၈.
928.
‘‘ကေန တေတာဒိသော ဝဏ္ဏော။ပေ.။
‘‘Kena tetādiso vaṇṇo…pe…
ဝဏ္ဏော စ တေ သဗ္ဗဒိသာ ပဘာသတီ’’တိ။
Vaṇṇo ca te sabbadisā pabhāsatī’’ti.
၉၃၀.
930.
သော ဒေဝပုတ္တော အတ္တမနော။ပေ.။ယသ္သ ကမ္မသ္သိဒံ ဖလံ။
So devaputto attamano…pe…yassa kammassidaṃ phalaṃ.
၉၃၁.
931.
‘‘ကရဏီယာနိ ပုညာနိ၊ ပဏ္ဍိတေန ဝိဇာနတာ။
‘‘Karaṇīyāni puññāni, paṇḍitena vijānatā;
သမ္မဂ္ဂတေသု ဗုဒ္ဓေသု၊ ယတ္ထ ဒိန္နံ မဟပ္ဖလံ။
Sammaggatesu buddhesu, yattha dinnaṃ mahapphalaṃ.
၉၃၂.
932.
‘‘အတ္ထာယ ဝတ မေ ဗုဒ္ဓော၊ အရညာ ဂာမမာဂတော။
‘‘Atthāya vata me buddho, araññā gāmamāgato;
၉၃၃.
933.
‘‘တေန မေတာဒိသော ဝဏ္ဏော။ပေ.။ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ပဌမကရဏီယဝိမာနံ ဆဋ္ဌံ။
Paṭhamakaraṇīyavimānaṃ chaṭṭhaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဝိမာနဝတ္ထု-အဋ္ဌကထာ • Vimānavatthu-aṭṭhakathā / ၆. ပဌမကရဏီယဝိမာနဝဏ္ဏနာ • 6. Paṭhamakaraṇīyavimānavaṇṇanā
