| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. པཋམཀཱམབྷཱུསུཏྟཝཎྞནཱ
5. Paṭhamakāmabhūsuttavaṇṇanā
༣༤༧. ཨེལཾ ཝུཙྩཏི དོསོ, ཏཾ ཨེཏསྶ ནཏྠཱིཏི ནེལཾ, ཏཾ ཨངྒཾ ཨེཏསྶཱཏི ནེལངྒོ, སུཝིསུདྡྷསཱིལགུཎོ། ཏེནཱཧ ‘‘ནེལངྒནྟི ཁོ, བྷནྟེ, སཱིལཱནམེཏཾ ཨདྷིཝཙན’’ནྟི། ཨཊྛཀཐཱཡཾ པན དོསཱབྷཱཝམེཝ དསྶེཏུཾ ‘‘ནེལངྒོཏི ནིདྡོསོ’’ཏི ཝུཏྟཾ། ཨེཏཾ བྷིཀྑུཾ ཨཱགཙྪནྟནྟི མཧཱཀཔྤིནཏྠེརཾ སནྡྷཱཡ ཝུཏྟཾ། ཨཏྟནོ དིཊྛེན ཀཐེསཱིཏི ཨཏྟནོ སབྦཉྙུཏཉྙཱཎེན པཙྩཀྑཏོ ཨུཔལཀྑིཏེན ཨཏྠེན ཀཐེསི། ཨཡཾ པན ནཡགྒཱཧེནཱཏི ཨཡཾ པན གཧཔཏི ཨསུཏྭཱ ཀེཝལཾ ནཡགྒཱཧེན ཨཱཧ།
347. Elaṃ vuccati doso, taṃ etassa natthīti nelaṃ, taṃ aṅgaṃ etassāti nelaṅgo, suvisuddhasīlaguṇo. Tenāha ‘‘nelaṅganti kho, bhante, sīlānametaṃ adhivacana’’nti. Aṭṭhakathāyaṃ pana dosābhāvameva dassetuṃ ‘‘nelaṅgoti niddoso’’ti vuttaṃ. Etaṃ bhikkhuṃ āgacchantanti mahākappinattheraṃ sandhāya vuttaṃ. Attano diṭṭhena kathesīti attano sabbaññutaññāṇena paccakkhato upalakkhitena atthena kathesi. Ayaṃ pana nayaggāhenāti ayaṃ pana gahapati asutvā kevalaṃ nayaggāhena āha.
པཋམཀཱམབྷཱུསུཏྟཝཎྞནཱ ནིཊྛིཏཱ།
Paṭhamakāmabhūsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. པཋམཀཱམབྷཱུསུཏྟཾ • 5. Paṭhamakāmabhūsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. པཋམཀཱམབྷཱུསུཏྟཝཎྞནཱ • 5. Paṭhamakāmabhūsuttavaṇṇanā
