| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. পঠমঝানসুত্তং
6. Paṭhamajhānasuttaṃ
২৫৬. ‘‘পঞ্চিমে, ভিক্খৰে, ধম্মে অপ্পহায অভব্বো পঠমং ঝানং উপসম্পজ্জ ৰিহরিতুং। কতমে পঞ্চ? আৰাসমচ্ছরিযং, কুলমচ্ছরিযং, লাভমচ্ছরিযং, ৰণ্ণমচ্ছরিযং, ধম্মমচ্ছরিযং – ইমে খো, ভিক্খৰে, পঞ্চ ধম্মে অপ্পহায অভব্বো পঠমং ঝানং উপসম্পজ্জ ৰিহরিতুং।
256. ‘‘Pañcime, bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme appahāya abhabbo paṭhamaṃ jhānaṃ upasampajja viharituṃ.
‘‘পঞ্চিমে, ভিক্খৰে, ধম্মে পহায ভব্বো পঠমং ঝানং উপসম্পজ্জ ৰিহরিতুং। কতমে পঞ্চ? আৰাসমচ্ছরিযং, কুলমচ্ছরিযং, লাভমচ্ছরিযং, ৰণ্ণমচ্ছরিযং, ধম্মমচ্ছরিযং – ইমে খো, ভিক্খৰে, পঞ্চ ধম্মে পহায ভব্বো পঠমং ঝানং উপসম্পজ্জ ৰিহরিতু’’ন্তি। ছট্ঠং।
‘‘Pañcime, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme pahāya bhabbo paṭhamaṃ jhānaṃ upasampajja viharitu’’nti. Chaṭṭhaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
