| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೯-೧೦. ಪಠಮಇಧಲೋಕಿಕಸುತ್ತಾದಿವಣ್ಣನಾ
9-10. Paṭhamaidhalokikasuttādivaṇṇanā
೪೯-೫೦. ನವಮೇ ಇಧಲೋಕವಿಜಯಾಯಾತಿ ಇಧಲೋಕವಿಜಿನನತ್ಥಾಯ ಅಭಿಭವತ್ಥಾಯ। ಯೋ ಹಿ ದಿಟ್ಠಧಮ್ಮಿಕಂ ಅನತ್ಥಂ ಪರಿವಜ್ಜನವಸೇನ ಅಭಿಭವತಿ, ತತೋ ಏವ ತದತ್ಥಂ ಸಮ್ಪಾದೇತಿ, ಸೋ ಇಧಲೋಕವಿಜಯಾಯ ಪಟಿಪನ್ನೋ ನಾಮ ಹೋತಿ ಪಚ್ಚತ್ಥಿಕನಿಗ್ಗಣ್ಹನತೋ ಸದತ್ಥಸಮ್ಪಾದನತೋ ಚ। ತೇನಾಹ ‘‘ಅಯಂಸ ಲೋಕೋ ಆರದ್ಧೋ ಹೋತೀ’’ತಿ। (ಪಸಂಸಾವಹತೋ ತಯಿದಂ ಪಸಂಸಾವಹನಂ ಕಿತ್ತಿಸದ್ದೇನ ಇಧಲೋಕೇ ಸದ್ದಾನಂ ಚಿತ್ತತೋಸನವಿದ್ಧೇಯ್ಯಭಾವಾಪಾದನೇನ ಚ ಹೋತೀತಿ ದಟ್ಠಬ್ಬಂ।) ಸುಸಂವಿಹಿತಕಮ್ಮನ್ತೋತಿ ಯಾಗುಭತ್ತಪಚನಕಾಲಾದೀನಿ ಅನತಿಕ್ಕಮಿತ್ವಾ ತಸ್ಸ ತಸ್ಸ ಸಾಧುಕಂ ಕರಣೇನ ಸುಟ್ಠು ಸಂವಿಹಿತಕಮ್ಮನ್ತೋ। ಪರಲೋಕವಿಜಯಾಯಾತಿ ಪರಲೋಕಸ್ಸ ವಿಜಿನನತ್ಥಾಯ ಅಭಿಭವತ್ಥಾಯ। ಯೋ ಹಿ ಸಮ್ಪರಾಯಿಕಂ ಅನತ್ಥಂ ಪರಿವಜ್ಜನವಸೇನ ಅಭಿಭವತಿ, ತತೋ ಏವ ತದತ್ಥಂ ಸಮ್ಪಾದೇತಿ, ಸೋ ಪರಲೋಕವಿಜಯಾಯ ಪಟಿಪನ್ನೋ ನಾಮ ಹೋತಿ। ಸೇಸಂ ಸಬ್ಬತ್ಥ ಉತ್ತಾನಮೇವ।
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
ಪಠಮಇಧಲೋಕಿಕಸುತ್ತಾದಿವಣ್ಣನಾ ನಿಟ್ಠಿತಾ।
Paṭhamaidhalokikasuttādivaṇṇanā niṭṭhitā.
ಉಪೋಸಥವಗ್ಗವಣ್ಣನಾ ನಿಟ್ಠಿತಾ।
Uposathavaggavaṇṇanā niṭṭhitā.
ಪಠಮಪಣ್ಣಾಸಕಂ ನಿಟ್ಠಿತಂ।
Paṭhamapaṇṇāsakaṃ niṭṭhitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೯. ಪಠಮಇಧಲೋಕಿಕಸುತ್ತಂ • 9. Paṭhamaidhalokikasuttaṃ
೧೦. ದುತಿಯಇಧಲೋಕಿಕಸುತ್ತಂ • 10. Dutiyaidhalokikasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೯-೧೦. ಇಧಲೋಕಿಕಸುತ್ತದ್ವಯವಣ್ಣನಾ • 9-10. Idhalokikasuttadvayavaṇṇanā
