| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๙-๑๐. ปฐมอิธโลกิกสุตฺตาทิวณฺณนา
9-10. Paṭhamaidhalokikasuttādivaṇṇanā
๔๙-๕๐. นวเม อิธโลกวิชยายาติ อิธโลกวิชินนตฺถาย อภิภวตฺถายฯ โย หิ ทิฎฺฐธมฺมิกํ อนตฺถํ ปริวชฺชนวเสน อภิภวติ, ตโต เอว ตทตฺถํ สมฺปาเทติ, โส อิธโลกวิชยาย ปฎิปโนฺน นาม โหติ ปจฺจตฺถิกนิคฺคณฺหนโต สทตฺถสมฺปาทนโต จฯ เตนาห ‘‘อยํส โลโก อารโทฺธ โหตี’’ติฯ (ปสํสาวหโต ตยิทํ ปสํสาวหนํ กิตฺติสเทฺทน อิธโลเก สทฺทานํ จิตฺตโตสนวิเทฺธยฺยภาวาปาทเนน จ โหตีติ ทฎฺฐพฺพํฯ) สุสํวิหิตกมฺมโนฺตติ ยาคุภตฺตปจนกาลาทีนิ อนติกฺกมิตฺวา ตสฺส ตสฺส สาธุกํ กรเณน สุฎฺฐุ สํวิหิตกมฺมโนฺตฯ ปรโลกวิชยายาติ ปรโลกสฺส วิชินนตฺถาย อภิภวตฺถายฯ โย หิ สมฺปรายิกํ อนตฺถํ ปริวชฺชนวเสน อภิภวติ, ตโต เอว ตทตฺถํ สมฺปาเทติ, โส ปรโลกวิชยาย ปฎิปโนฺน นาม โหติฯ เสสํ สพฺพตฺถ อุตฺตานเมวฯ
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
ปฐมอิธโลกิกสุตฺตาทิวณฺณนา นิฎฺฐิตาฯ
Paṭhamaidhalokikasuttādivaṇṇanā niṭṭhitā.
อุโปสถวคฺควณฺณนา นิฎฺฐิตาฯ
Uposathavaggavaṇṇanā niṭṭhitā.
ปฐมปณฺณาสกํ นิฎฺฐิตํฯ
Paṭhamapaṇṇāsakaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๙. ปฐมอิธโลกิกสุตฺตํ • 9. Paṭhamaidhalokikasuttaṃ
๑๐. ทุติยอิธโลกิกสุตฺตํ • 10. Dutiyaidhalokikasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙-๑๐. อิธโลกิกสุตฺตทฺวยวณฺณนา • 9-10. Idhalokikasuttadvayavaṇṇanā
