| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. પઠમગેલઞ્ઞસુત્તવણ્ણના
7. Paṭhamagelaññasuttavaṇṇanā
૨૫૫. સદ્દહિત્વા ગિલાને ઉપટ્ઠાતબ્બે મઞ્ઞિસ્સન્તીતિ યોજના. તત્થાતિ તસ્મિં ઠાને. કમ્મટ્ઠાનાનુયોગો સપ્પાયો યેસં તે કમ્મટ્ઠાનસપ્પાયા, સતિપટ્ઠાનરતાતિ અત્થો. અનિચ્ચતં અનુપસ્સન્તોતિ કાયં પટિચ્ચ ઉપ્પન્નાય વેદનાય ચ અનિચ્ચતં અનુપસ્સન્તો. વયં અનુપસ્સન્તોતિઆદીસુપિ એસેવ નયો. વયન્તિ પન તાય એવ ખયસઙ્ખાતં. વિરાગન્તિ વિરજ્જનં. પટિનિસ્સગ્ગન્તિ પરિચ્ચાગપટિનિસ્સગ્ગં, પક્ખન્દનપટિનિસ્સગ્ગમ્પિ વા.
255. Saddahitvā gilāne upaṭṭhātabbe maññissantīti yojanā. Tatthāti tasmiṃ ṭhāne. Kammaṭṭhānānuyogo sappāyo yesaṃ te kammaṭṭhānasappāyā, satipaṭṭhānaratāti attho. Aniccataṃ anupassantoti kāyaṃ paṭicca uppannāya vedanāya ca aniccataṃ anupassanto. Vayaṃ anupassantotiādīsupi eseva nayo. Vayanti pana tāya eva khayasaṅkhātaṃ. Virāganti virajjanaṃ. Paṭinissagganti pariccāgapaṭinissaggaṃ, pakkhandanapaṭinissaggampi vā.
આગમનીયપટિપદાતિ અરિયમગ્ગસ્સ આગમનટ્ઠાનિયા પુબ્બભાગપટિપદા. પુબ્બભાગાયેવ ન લોકુત્તરા. સમ્પજઞ્ઞં પુબ્બભાગિયમેવ. તિસ્સો અનુપસ્સના પુબ્બભાગાયેવ વિપસ્સનાપરિયાપન્નત્તા . મિસ્સકાતિ લોકિયલોકુત્તરમિસ્સકા. ભાવનાકાલો દસ્સિતો ‘‘નિરોધાનુપસ્સિનો વિહરતો, પટિનિસ્સગ્ગાનુપસ્સિનો વિહરતો રાગાનુસયો પહીયતી’’તિ વુત્તત્તા.
Āgamanīyapaṭipadāti ariyamaggassa āgamanaṭṭhāniyā pubbabhāgapaṭipadā. Pubbabhāgāyeva na lokuttarā. Sampajaññaṃ pubbabhāgiyameva. Tisso anupassanā pubbabhāgāyeva vipassanāpariyāpannattā . Missakāti lokiyalokuttaramissakā. Bhāvanākālo dassito ‘‘nirodhānupassino viharato, paṭinissaggānupassino viharato rāgānusayo pahīyatī’’ti vuttattā.
પઠમગેલઞ્ઞસુત્તવણ્ણના નિટ્ઠિતા.
Paṭhamagelaññasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. પઠમગેલઞ્ઞસુત્તં • 7. Paṭhamagelaññasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. પઠમગેલઞ્ઞસુત્તવણ્ણના • 7. Paṭhamagelaññasuttavaṇṇanā
