| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. батамазж̇аасуд̇д̇ам̣
7. Paṭhamaejāsuttaṃ
90. ‘‘зж̇аа , бхигкавз, рог̇о, зж̇аа г̇ан̣д̣о, зж̇аа саллам̣. д̇асмаад̇иха, бхигкавз, д̇ат̇ааг̇ад̇о анзж̇о вихарад̇и вийд̇асалло. д̇асмаад̇иха , бхигкавз, бхигку жзби ааган̇кзяяа ‘анзж̇о вихарзяяам̣ 1 вийд̇асалло’д̇и, жагкум̣ на ман̃н̃зяяа, жагкусмим̣ на ман̃н̃зяяа, жагкуд̇о на ман̃н̃зяяа, жагку мзд̇и на ман̃н̃зяяа; руубз на ман̃н̃зяяа, руубзсу на ман̃н̃зяяа, руубад̇о на ман̃н̃зяяа, руубаа мзд̇и на ман̃н̃зяяа; жагкувин̃н̃аан̣ам̣ на ман̃н̃зяяа, жагкувин̃н̃аан̣асмим̣ на ман̃н̃зяяа, жагкувин̃н̃аан̣ад̇о на ман̃н̃зяяа, жагкувин̃н̃аан̣ам̣ мзд̇и на ман̃н̃зяяа; жагкусампассам̣ на ман̃н̃зяяа, жагкусампассасмим̣ на ман̃н̃зяяа, жагкусампассад̇о на ман̃н̃зяяа, жагкусампассо мзд̇и на ман̃н̃зяяа. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃зяяа, д̇асмимби на ман̃н̃зяяа, д̇ад̇оби на ман̃н̃зяяа, д̇ам̣ мзд̇и на ман̃н̃зяяа.
90. ‘‘Ejā , bhikkhave, rogo, ejā gaṇḍo, ejā sallaṃ. Tasmātiha, bhikkhave, tathāgato anejo viharati vītasallo. Tasmātiha , bhikkhave, bhikkhu cepi ākaṅkheyya ‘anejo vihareyyaṃ 2 vītasallo’ti, cakkhuṃ na maññeyya, cakkhusmiṃ na maññeyya, cakkhuto na maññeyya, cakkhu meti na maññeyya; rūpe na maññeyya, rūpesu na maññeyya, rūpato na maññeyya, rūpā meti na maññeyya; cakkhuviññāṇaṃ na maññeyya, cakkhuviññāṇasmiṃ na maññeyya, cakkhuviññāṇato na maññeyya, cakkhuviññāṇaṃ meti na maññeyya; cakkhusamphassaṃ na maññeyya, cakkhusamphassasmiṃ na maññeyya, cakkhusamphassato na maññeyya, cakkhusamphasso meti na maññeyya. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya.
‘‘сод̇ам̣ на ман̃н̃зяяа…бз… гхаанам̣ на ман̃н̃зяяа…бз… ж̇ивхам̣ на ман̃н̃зяяа, ж̇ивхааяа на ман̃н̃зяяа, ж̇ивхаад̇о на ман̃н̃зяяа, ж̇ивхаа мзд̇и на ман̃н̃зяяа; расз на ман̃н̃зяяа…бз… ж̇ивхаавин̃н̃аан̣ам̣ на ман̃н̃зяяа…бз… ж̇ивхаасампассам̣ на ман̃н̃зяяа…бз… яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃зяяа, д̇асмимби на ман̃н̃зяяа, д̇ад̇оби на ман̃н̃зяяа, д̇ам̣ мзд̇и на ман̃н̃зяяа.
‘‘Sotaṃ na maññeyya…pe… ghānaṃ na maññeyya…pe… jivhaṃ na maññeyya, jivhāya na maññeyya, jivhāto na maññeyya, jivhā meti na maññeyya; rase na maññeyya…pe… jivhāviññāṇaṃ na maññeyya…pe… jivhāsamphassaṃ na maññeyya…pe… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya.
‘‘гааяам̣ на ман̃н̃зяяа…бз… манам̣ на ман̃н̃зяяа, манасмим̣ на ман̃н̃зяяа, манад̇о на ман̃н̃зяяа, мано мзд̇и на ман̃н̃зяяа; д̇хаммз на ман̃н̃зяяа…бз… мано вин̃н̃аан̣ам̣…бз… маносампассам̣…бз… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби на ман̃н̃зяяа, д̇асмимби на ман̃н̃зяяа, д̇ад̇оби на ман̃н̃зяяа, д̇ам̣ мзд̇и на ман̃н̃зяяа; саб̣б̣ам̣ на ман̃н̃зяяа, саб̣б̣асмим̣ на ман̃н̃зяяа, саб̣б̣ад̇о на ман̃н̃зяяа, саб̣б̣ам̣ мзд̇и на ман̃н̃зяяа.
‘‘Kāyaṃ na maññeyya…pe… manaṃ na maññeyya, manasmiṃ na maññeyya, manato na maññeyya, mano meti na maññeyya; dhamme na maññeyya…pe… mano viññāṇaṃ…pe… manosamphassaṃ…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññeyya, tasmimpi na maññeyya, tatopi na maññeyya, taṃ meti na maññeyya; sabbaṃ na maññeyya, sabbasmiṃ na maññeyya, sabbato na maññeyya, sabbaṃ meti na maññeyya.
‘‘со звам̣ аман̃н̃амаано на гин̃жиби логз убаад̣̇ияад̇и. анубаад̣̇ияам̣ на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и . ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣ наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. сад̇д̇амам̣.
‘‘So evaṃ amaññamāno na kiñcipi loke upādiyati. Anupādiyaṃ na paritassati. Aparitassaṃ paccattaññeva parinibbāyati . ‘Khīṇā jāti, vusitaṃ brahmacariyaṃ, kataṃ karaṇīyaṃ nāparaṃ itthattāyā’ti pajānātī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-8. батамазж̇аасуд̇д̇аад̣̇иван̣н̣анаа • 7-8. Paṭhamaejāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-8. батамазж̇аасуд̇д̇аад̣̇иван̣н̣анаа • 7-8. Paṭhamaejāsuttādivaṇṇanā
