| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൯. പഠമദ്വയസുത്തം
9. Paṭhamadvayasuttaṃ
൯൨. ‘‘ദ്വയം വോ, ഭിക്ഖവേ, ദേസേസ്സാമി. തം സുണാഥ. കിഞ്ച, ഭിക്ഖവേ, ദ്വയം? ചക്ഖുഞ്ചേവ രൂപാ ച, സോതഞ്ചേവ സദ്ദാ ച, ഘാനഞ്ചേവ ഗന്ധാ ച, ജിവ്ഹാ ചേവ രസാ ച, കായോ ചേവ ഫോട്ഠബ്ബാ ച , മനോ ചേവ ധമ്മാ ച – ഇദം വുച്ചതി, ഭിക്ഖവേ, ദ്വയം.
92. ‘‘Dvayaṃ vo, bhikkhave, desessāmi. Taṃ suṇātha. Kiñca, bhikkhave, dvayaṃ? Cakkhuñceva rūpā ca, sotañceva saddā ca, ghānañceva gandhā ca, jivhā ceva rasā ca, kāyo ceva phoṭṭhabbā ca , mano ceva dhammā ca – idaṃ vuccati, bhikkhave, dvayaṃ.
‘‘യോ, ഭിക്ഖവേ, ഏവം വദേയ്യ – ‘അഹമേതം ദ്വയം പച്ചക്ഖായ അഞ്ഞം ദ്വയം പഞ്ഞപേസ്സാമീ’തി, തസ്സ വാചാവത്ഥുകമേവസ്സ. പുട്ഠോ ച ന സമ്പായേയ്യ. ഉത്തരിഞ്ച വിഘാതം ആപജ്ജേയ്യ. തം കിസ്സ ഹേതു? യഥാ തം, ഭിക്ഖവേ, അവിസയസ്മി’’ന്തി. നവമം.
‘‘Yo, bhikkhave, evaṃ vadeyya – ‘ahametaṃ dvayaṃ paccakkhāya aññaṃ dvayaṃ paññapessāmī’ti, tassa vācāvatthukamevassa. Puṭṭho ca na sampāyeyya. Uttariñca vighātaṃ āpajjeyya. Taṃ kissa hetu? Yathā taṃ, bhikkhave, avisayasmi’’nti. Navamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൯-൧൦. പഠമദ്വയസുത്താദിവണ്ണനാ • 9-10. Paṭhamadvayasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൯-൧൦. പഠമദ്വയസുത്താദിവണ്ണനാ • 9-10. Paṭhamadvayasuttādivaṇṇanā
