| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
(૨૫) ૫. દુચ્ચરિતવગ્ગો
(25) 5. Duccaritavaggo
૧. પઠમદુચ્ચરિતસુત્તં
1. Paṭhamaduccaritasuttaṃ
૨૪૧. ‘‘પઞ્ચિમે , ભિક્ખવે, આદીનવા દુચ્ચરિતે. કતમે પઞ્ચ? અત્તાપિ અત્તાનં ઉપવદતિ; અનુવિચ્ચ વિઞ્ઞૂ ગરહન્તિ; પાપકો કિત્તિસદ્દો અબ્ભુગ્ગચ્છતિ; સમ્મૂળ્હો કાલં કરોતિ; કાયસ્સ ભેદા પરં મરણા અપાયં દુગ્ગતિં વિનિપાતં નિરયં ઉપપજ્જતિ. ઇમે ખો, ભિક્ખવે, પઞ્ચ આદીનવા દુચ્ચરિતે.
241. ‘‘Pañcime , bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; sammūḷho kālaṃ karoti; kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā duccarite.
‘‘પઞ્ચિમે, ભિક્ખવે, આનિસંસા સુચરિતે. કતમે પઞ્ચ? અત્તાપિ અત્તાનં ન ઉપવદતિ; અનુવિચ્ચ વિઞ્ઞૂ પસંસન્તિ; કલ્યાણો કિત્તિસદ્દો અબ્ભુગ્ગચ્છતિ; અસમ્મૂળ્હો કાલં કરોતિ; કાયસ્સ ભેદા પરં મરણા સુગતિં સગ્ગં લોકં ઉપપજ્જતિ. ઇમે ખો, ભિક્ખવે, પઞ્ચ આનિસંસા સુચરિતે’’તિ. પઠમં.
‘‘Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā sucarite’’ti. Paṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. પઠમદુચ્ચરિતસુત્તવણ્ણના • 1. Paṭhamaduccaritasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
