| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২৫) ৫. দুচ্চরিতৰগ্গো
(25) 5. Duccaritavaggo
১. পঠমদুচ্চরিতসুত্তং
1. Paṭhamaduccaritasuttaṃ
২৪১. ‘‘পঞ্চিমে , ভিক্খৰে, আদীনৰা দুচ্চরিতে। কতমে পঞ্চ? অত্তাপি অত্তানং উপৰদতি; অনুৰিচ্চ ৰিঞ্ঞূ গরহন্তি; পাপকো কিত্তিসদ্দো অব্ভুগ্গচ্ছতি; সম্মূল়্হো কালং করোতি; কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি। ইমে খো, ভিক্খৰে, পঞ্চ আদীনৰা দুচ্চরিতে।
241. ‘‘Pañcime , bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; sammūḷho kālaṃ karoti; kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā duccarite.
‘‘পঞ্চিমে, ভিক্খৰে, আনিসংসা সুচরিতে। কতমে পঞ্চ? অত্তাপি অত্তানং ন উপৰদতি; অনুৰিচ্চ ৰিঞ্ঞূ পসংসন্তি; কল্যাণো কিত্তিসদ্দো অব্ভুগ্গচ্ছতি; অসম্মূল়্হো কালং করোতি; কাযস্স ভেদা পরং মরণা সুগতিং সগ্গং লোকং উপপজ্জতি। ইমে খো, ভিক্খৰে, পঞ্চ আনিসংসা সুচরিতে’’তি। পঠমং।
‘‘Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asammūḷho kālaṃ karoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā sucarite’’ti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. পঠমদুচ্চরিতসুত্তৰণ্ণনা • 1. Paṭhamaduccaritasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
