| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
(૨૩) ૩. દીઘચારિકવગ્ગો
(23) 3. Dīghacārikavaggo
૧. પઠમદીઘચારિકસુત્તં
1. Paṭhamadīghacārikasuttaṃ
૨૨૧. ‘‘પઞ્ચિમે , ભિક્ખવે, આદીનવા દીઘચારિકં અનવત્થચારિકં અનુયુત્તસ્સ વિહરતો. કતમે પઞ્ચ? અસ્સુતં ન સુણાતિ, સુતં ન પરિયોદાપેતિ, સુતેનેકચ્ચેન અવિસારદો હોતિ, ગાળ્હં 1 રોગાતઙ્કં ફુસતિ, ન ચ મિત્તવા હોતિ. ઇમે ખો, ભિક્ખવે, પઞ્ચ આદીનવા દીઘચારિકં અનવત્થચારિકં અનુયુત્તસ્સ વિહરતો.
221. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Assutaṃ na suṇāti, sutaṃ na pariyodāpeti, sutenekaccena avisārado hoti, gāḷhaṃ 2 rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘પઞ્ચિમે, ભિક્ખવે, આનિસંસા સમવત્થચારે. કતમે પઞ્ચ? અસ્સુતં સુણાતિ, સુતં પરિયોદાપેતિ, સુતેનેકચ્ચેન વિસારદો હોતિ, ન ગાળ્હં રોગાતઙ્કં ફુસતિ, મિત્તવા ચ હોતિ. ઇમે ખો, ભિક્ખવે, પઞ્ચ આનિસંસા સમવત્થચારે’’તિ. પઠમં.
‘‘Pañcime, bhikkhave, ānisaṃsā samavatthacāre. Katame pañca? Assutaṃ suṇāti, sutaṃ pariyodāpeti, sutenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Paṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. પઠમદીઘચારિકસુત્તવણ્ણના • 1. Paṭhamadīghacārikasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
