| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉. ပဌမဆဖသ္သာယတနသုတ္တဝဏ္ဏနာ
9. Paṭhamachaphassāyatanasuttavaṇṇanā
၇၁. နဝမေ ဖသ္သာယတနာနန္တိ ဖသ္သာကရာနံ။ အဝုသိတန္တိ အဝုဋ္ဌံ။ အာရကာတိ ဒူရေ။ ဧတ္ထာဟံ, ဘန္တေ, အနသ္သသန္တိ, ဘန္တေ, အဟံ ဧတ္ထ အနသ္သသိံ, နဋ္ဌော နာမ အဟန္တိ ဝဒတိ။ ဘဂဝာ – ‘‘အယံ ဘိက္ခု ‘အဟံ နာမ ဣမသ္မိံ သာသနေ နဋ္ဌော’တိ ဝဒတိ, ကိန္နု ခ္ဝသ္သ အညေသု ဓာတုကမ္မဋ္ဌာန-ကသိဏကမ္မဋ္ဌာနာဒီသု အဘိယောဂော အတ္ထီ’’တိ စိန္တေတ္ဝာ, တမ္ပိ အပသ္သန္တော – ‘‘ကတရံ နု ခော ကမ္မဋ္ဌာနံ ဣမသ္သ သပ္ပာယံ ဘဝိသ္သတီ’’တိ စိန္တေသိ။ တတော ‘‘အာယတနကမ္မဋ္ဌာနမေဝ သပ္ပာယ’’န္တိ ဒိသ္ဝာ တံ ကထေန္တော တံ ကိံ မညသိ ဘိက္ခူတိအာဒိမာဟ။ သာဓူတိ တသ္သ ဗ္ယာကရဏေ သမ္ပဟံသနံ။ ဧသေဝန္တော ဒုက္ခသ္သာတိ အယမေဝ ဝဋ္ဋဒုက္ခသ္သန္တော ပရိစ္ဆေဒော, နိဗ္ဗာနန္တိ အတ္ထော။
71. Navame phassāyatanānanti phassākarānaṃ. Avusitanti avuṭṭhaṃ. Ārakāti dūre. Etthāhaṃ, bhante, anassasanti, bhante, ahaṃ ettha anassasiṃ, naṭṭho nāma ahanti vadati. Bhagavā – ‘‘ayaṃ bhikkhu ‘ahaṃ nāma imasmiṃ sāsane naṭṭho’ti vadati, kinnu khvassa aññesu dhātukammaṭṭhāna-kasiṇakammaṭṭhānādīsu abhiyogo atthī’’ti cintetvā, tampi apassanto – ‘‘kataraṃ nu kho kammaṭṭhānaṃ imassa sappāyaṃ bhavissatī’’ti cintesi. Tato ‘‘āyatanakammaṭṭhānameva sappāya’’nti disvā taṃ kathento taṃ kiṃ maññasi bhikkhūtiādimāha. Sādhūti tassa byākaraṇe sampahaṃsanaṃ. Esevanto dukkhassāti ayameva vaṭṭadukkhassanto paricchedo, nibbānanti attho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ပဌမဆဖသ္သာယတနသုတ္တံ • 9. Paṭhamachaphassāyatanasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. ပဌမဆဖသ္သာယတနသုတ္တဝဏ္ဏနာ • 9. Paṭhamachaphassāyatanasuttavaṇṇanā
