| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. батамабхигкусуд̇д̇ам̣
9. Paṭhamabhikkhusuttaṃ
841. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘гад̇амаа ну ко, бханд̇з, ид̣̇д̇хи, гад̇амо ид̣̇д̇хибаад̣̇о, гад̇амаа ид̣̇д̇хибаад̣̇абхааванаа, гад̇амаа ид̣̇д̇хибаад̣̇абхааванааг̇ааминий бадибад̣̇аа’’д̇и?
841. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘katamā nu kho, bhante, iddhi, katamo iddhipādo, katamā iddhipādabhāvanā, katamā iddhipādabhāvanāgāminī paṭipadā’’ti?
‘‘ид̇ха, бхигкавз, бхигку анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и…бз… яаава б̣рахмалогааби гааязна васам̣ вад̇д̇зд̇и – аяам̣ вужжад̇и, бхигкавз, ид̣̇д̇хи.
‘‘Idha, bhikkhave, bhikkhu anekavihitaṃ iddhividhaṃ paccanubhoti – ekopi hutvā bahudhā hoti…pe… yāva brahmalokāpi kāyena vasaṃ vatteti – ayaṃ vuccati, bhikkhave, iddhi.
‘‘гад̇амо жа, бхигкавз, ид̣̇д̇хибаад̣̇о? яо, бхигкавз, маг̇г̇о, яаа бадибад̣̇аа ид̣̇д̇хилаабхааяа ид̣̇д̇хибадилаабхааяа сам̣вад̇д̇ад̇и – аяам̣ вужжад̇и, бхигкавз, ид̣̇д̇хибаад̣̇о.
‘‘Katamo ca, bhikkhave, iddhipādo? Yo, bhikkhave, maggo, yā paṭipadā iddhilābhāya iddhipaṭilābhāya saṃvattati – ayaṃ vuccati, bhikkhave, iddhipādo.
‘‘гад̇амаа жа, бхигкавз, ид̣̇д̇хибаад̣̇абхааванаа? ид̇ха, бхигкавз, бхигку чанд̣̇асамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи…бз… виймам̣саасамаад̇хиббад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и – аяам̣ вужжад̇и, бхигкавз, ид̣̇д̇хибаад̣̇абхааванаа.
‘‘Katamā ca, bhikkhave, iddhipādabhāvanā? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti – ayaṃ vuccati, bhikkhave, iddhipādabhāvanā.
‘‘гад̇амаа жа, бхигкавз, ид̣̇д̇хибаад̣̇абхааванааг̇ааминий бадибад̣̇аа? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи – аяам̣ вужжад̇и, бхигкавз, ид̣̇д̇хибаад̣̇абхааванааг̇ааминий бадибад̣̇аа’’д̇и. навамам̣.
‘‘Katamā ca, bhikkhave, iddhipādabhāvanāgāminī paṭipadā? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi – ayaṃ vuccati, bhikkhave, iddhipādabhāvanāgāminī paṭipadā’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-10. бхигкусуд̇д̇аад̣̇иван̣н̣анаа • 3-10. Bhikkhusuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-10. бхигкусуд̇д̇аад̣̇иван̣н̣анаа • 3-10. Bhikkhusuttādivaṇṇanā
