| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. ပဌမဘဝသုတ္တဝဏ္ဏနာ
6. Paṭhamabhavasuttavaṇṇanā
၇၇. ဆဋ္ဌေ ကာမဓာတုဝေပက္ကန္တိ ကာမဓာတုယာ ဝိပစ္စနကံ။ ကာမဘဝောတိ ကာမဓာတုယံ ဥပပတ္တိဘဝော။ ကမ္မံ ခေတ္တန္တိ ကုသလာကုသလကမ္မံ ဝိရုဟနဋ္ဌာနဋ္ဌေန ခေတ္တံ။ ဝိညာဏံ ဗီဇန္တိ သဟဇာတံ အဘိသင္ခာရဝိညာဏံ ဝိရုဟနဋ္ဌေန ဗီဇံ။ တဏ္ဟာ သ္နေဟောတိ ပဂ္ဂဏ္ဟနာနုဗ္ရူဟနဝသေန တဏ္ဟာ ဥဒကံ နာမ။ အဝိဇ္ဇာနီဝရဏာနန္တိ အဝိဇ္ဇာယ အာဝရိတာနံ။ တဏ္ဟာသံယောဇနာနန္တိ တဏ္ဟာဗန္ဓနေန ဗဒ္ဓာနံ။ ဟီနာယ ဓာတုယာတိ ကာမဓာတုယာ။ ဝိညာဏံ ပတိဋ္ဌိတန္တိ အဘိသင္ခာရဝိညာဏံ ပတိဋ္ဌိတံ။ မဇ္ဈိမာယ ဓာတုယာတိ ရူပဓာတုယာ။ ပဏီတာယ ဓာတုယာတိ အရူပဓာတုယာ။ သေသမေတ္ထ ဥတ္တာနတ္ထမေဝာတိ။
77. Chaṭṭhe kāmadhātuvepakkanti kāmadhātuyā vipaccanakaṃ. Kāmabhavoti kāmadhātuyaṃ upapattibhavo. Kammaṃ khettanti kusalākusalakammaṃ viruhanaṭṭhānaṭṭhena khettaṃ. Viññāṇaṃ bījanti sahajātaṃ abhisaṅkhāraviññāṇaṃ viruhanaṭṭhena bījaṃ. Taṇhā snehoti paggaṇhanānubrūhanavasena taṇhā udakaṃ nāma. Avijjānīvaraṇānanti avijjāya āvaritānaṃ. Taṇhāsaṃyojanānanti taṇhābandhanena baddhānaṃ. Hīnāya dhātuyāti kāmadhātuyā. Viññāṇaṃ patiṭṭhitanti abhisaṅkhāraviññāṇaṃ patiṭṭhitaṃ. Majjhimāya dhātuyāti rūpadhātuyā. Paṇītāya dhātuyāti arūpadhātuyā. Sesamettha uttānatthamevāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ပဌမဘဝသုတ္တံ • 6. Paṭhamabhavasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၇. ပဌမဘဝသုတ္တာဒိဝဏ္ဏနာ • 6-7. Paṭhamabhavasuttādivaṇṇanā
