| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૬. પઠમભવસુત્તં
6. Paṭhamabhavasuttaṃ
૭૭. અથ ખો આયસ્મા આનન્દો યેન ભગવા તેનુપસઙ્કમિ; ઉપસઙ્કમિત્વા ભગવન્તં અભિવાદેત્વા એકમન્તં નિસીદિ. એકમન્તં નિસિન્નો ખો આયસ્મા આનન્દો ભગવન્તં એતદવોચ – ‘‘ભવો, ભવોતિ, ભન્તે, વુચ્ચતિ. કિત્તાવતા નુ ખો, ભન્તે, ભવો હોતી’’તિ?
77. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘bhavo, bhavoti, bhante, vuccati. Kittāvatā nu kho, bhante, bhavo hotī’’ti?
‘‘કામધાતુવેપક્કઞ્ચ, આનન્દ, કમ્મં નાભવિસ્સ, અપિ નુ ખો કામભવો પઞ્ઞાયેથા’’તિ? ‘‘નો હેતં, ભન્તે’’. ‘‘ઇતિ ખો, આનન્દ, કમ્મં ખેત્તં, વિઞ્ઞાણં બીજં, તણ્હા સ્નેહો 1. અવિજ્જાનીવરણાનં સત્તાનં તણ્હાસંયોજનાનં હીનાય ધાતુયા વિઞ્ઞાણં પતિટ્ઠિતં એવં આયતિં 2 પુનબ્ભવાભિનિબ્બત્તિ હોતિ. ( ) 3
‘‘Kāmadhātuvepakkañca, ānanda, kammaṃ nābhavissa, api nu kho kāmabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho 4. Avijjānīvaraṇānaṃ sattānaṃ taṇhāsaṃyojanānaṃ hīnāya dhātuyā viññāṇaṃ patiṭṭhitaṃ evaṃ āyatiṃ 5 punabbhavābhinibbatti hoti. ( ) 6
‘‘રૂપધાતુવેપક્કઞ્ચ, આનન્દ, કમ્મં નાભવિસ્સ, અપિ નુ ખો રૂપભવો પઞ્ઞાયેથા’’તિ? ‘‘નો હેતં, ભન્તે’’. ‘‘ઇતિ ખો આનન્દ, કમ્મં ખેત્તં, વિઞ્ઞાણં બીજં, તણ્હા સ્નેહો. અવિજ્જાનીવરણાનં સત્તાનં તણ્હાસંયોજનાનં મજ્ઝિમાય ધાતુયા વિઞ્ઞાણં પતિટ્ઠિતં એવં આયતિં પુનબ્ભવાભિનિબ્બત્તિ હોતિ. ( ) 7
‘‘Rūpadhātuvepakkañca, ānanda, kammaṃ nābhavissa, api nu kho rūpabhavo paññāyethā’’ti? ‘‘No hetaṃ, bhante’’. ‘‘Iti kho ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ majjhimāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. ( ) 8
‘‘અરૂપધાતુવેપક્કઞ્ચ, આનન્દ, કમ્મં નાભવિસ્સ, અપિ નુ ખો અરૂપભવો પઞ્ઞાયેથા’’તિ? ‘‘નો હેતં, ભન્તે’’. ‘‘ઇતિ ખો, આનન્દ, કમ્મં ખેત્તં, વિઞ્ઞાણં બીજં, તણ્હા સ્નેહો. અવિજ્જાનીવરણાનં સત્તાનં તણ્હાસંયોજનાનં પણીતાય ધાતુયા વિઞ્ઞાણં પતિટ્ઠિતં એવં આયતિં પુનબ્ભવાભિનિબ્બત્તિ હોતિ. એવં ખો, આનન્દ, ભવો હોતી’’તિ. છટ્ઠં.
‘‘Arūpadhātuvepakkañca, ānanda, kammaṃ nābhavissa, api nu kho arūpabhavo paññāyethā’’ti? ‘‘No hetaṃ, bhante’’. ‘‘Iti kho, ānanda, kammaṃ khettaṃ, viññāṇaṃ bījaṃ, taṇhā sneho. Avijjānīvaraṇānaṃ sattānaṃ taṇhāsaṃyojanānaṃ paṇītāya dhātuyā viññāṇaṃ patiṭṭhitaṃ evaṃ āyatiṃ punabbhavābhinibbatti hoti. Evaṃ kho, ānanda, bhavo hotī’’ti. Chaṭṭhaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૬. પઠમભવસુત્તવણ્ણના • 6. Paṭhamabhavasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬-૭. પઠમભવસુત્તાદિવણ્ણના • 6-7. Paṭhamabhavasuttādivaṇṇanā
