| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૯. પઠમઆયુસુત્તવણ્ણના
9. Paṭhamaāyusuttavaṇṇanā
૧૪૫. પણ્ણાસં વા વસ્સાનિ જીવતિ વસ્સસતતો ઉપરિ સેય્યથાપિ થેરો અનુરુદ્ધો. સટ્ઠિ વા વસ્સાનિ સેય્યથાપિ થેરો બાકુલો. પટિહરિત્વા પચ્ચનીકભાવે સાતં સુખં એતસ્સાતિ પચ્ચનીકસાતો, તબ્ભાવો પચ્ચનીકસાતતા, તાય. અભિભવિત્વા અભાસિ પટિવચનં જાનમાનોવ.
145.Paṇṇāsaṃvā vassāni jīvati vassasatato upari seyyathāpi thero anuruddho. Saṭṭhi vā vassāni seyyathāpi thero bākulo. Paṭiharitvā paccanīkabhāve sātaṃ sukhaṃ etassāti paccanīkasāto, tabbhāvo paccanīkasātatā, tāya. Abhibhavitvā abhāsi paṭivacanaṃ jānamānova.
ન હીળેય્ય ન જિગુચ્છેય્ય. એવન્તિ સો દારકો વિય કિઞ્ચિ અચિન્તેન્તો સપ્પુરિસો ચરેય્ય, એવં હિસ્સ ચિત્તદુક્ખં ન હોતીતિ અધિપ્પાયો. પજ્જલિતસીસો વિય ચરેય્યાતિ યથા પજ્જલિતસીસો પુરિસો અઞ્ઞં કિઞ્ચિ અકત્વા તસ્સેવ વૂપસમાય વાયમેય્ય, એવં સપ્પુરિસો આયું પરિત્તન્તિ ઞત્વા તેનેવ નયેન સબ્બસઙ્ખારગતં અનિચ્ચં, અનિચ્ચત્તા એવ દુક્ખં, અનત્તાતિ વિપસ્સનમ્પિ ઓતરિત્વા તં ઉસ્સુક્કાપેન્તોપિ સઙ્ખારવિગમાય ચરેય્ય પટિપજ્જેય્ય.
Na hīḷeyya na jiguccheyya. Evanti so dārako viya kiñci acintento sappuriso careyya, evaṃ hissa cittadukkhaṃ na hotīti adhippāyo. Pajjalitasīso viya careyyāti yathā pajjalitasīso puriso aññaṃ kiñci akatvā tasseva vūpasamāya vāyameyya, evaṃ sappuriso āyuṃ parittanti ñatvā teneva nayena sabbasaṅkhāragataṃ aniccaṃ, aniccattā eva dukkhaṃ, anattāti vipassanampi otaritvā taṃ ussukkāpentopi saṅkhāravigamāya careyya paṭipajjeyya.
પઠમઆયુસુત્તવણ્ણના નિટ્ઠિતા.
Paṭhamaāyusuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૯. પઠમઆયુસુત્તં • 9. Paṭhamaāyusuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯. પઠમઆયુસુત્તવણ્ણના • 9. Paṭhamaāyusuttavaṇṇanā
