| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਪਠਮਅਸ੍ਸਾਦਪਰਿਯੇਸਨਸੁਤ੍ਤਂ
3. Paṭhamaassādapariyesanasuttaṃ
੧੫. ‘‘ਚਕ੍ਖੁਸ੍ਸਾਹਂ, ਭਿਕ੍ਖવੇ, ਅਸ੍ਸਾਦਪਰਿਯੇਸਨਂ ਅਚਰਿਂ। ਯੋ ਚਕ੍ਖੁਸ੍ਸ ਅਸ੍ਸਾਦੋ ਤਦਜ੍ਝਗਮਂ। ਯਾવਤਾ ਚਕ੍ਖੁਸ੍ਸ ਅਸ੍ਸਾਦੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਚਕ੍ਖੁਸ੍ਸਾਹਂ, ਭਿਕ੍ਖવੇ , ਆਦੀਨવਪਰਿਯੇਸਨਂ ਅਚਰਿਂ। ਯੋ ਚਕ੍ਖੁਸ੍ਸ ਆਦੀਨવੋ ਤਦਜ੍ਝਗਮਂ। ਯਾવਤਾ ਚਕ੍ਖੁਸ੍ਸ ਆਦੀਨવੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਚਕ੍ਖੁਸ੍ਸਾਹਂ, ਭਿਕ੍ਖવੇ, ਨਿਸ੍ਸਰਣਪਰਿਯੇਸਨਂ ਅਚਰਿਂ। ਯਂ ਚਕ੍ਖੁਸ੍ਸ ਨਿਸ੍ਸਰਣਂ ਤਦਜ੍ਝਗਮਂ। ਯਾવਤਾ ਚਕ੍ਖੁਸ੍ਸ ਨਿਸ੍ਸਰਣਂ , ਪਞ੍ਞਾਯ ਮੇ ਤਂ ਸੁਦਿਟ੍ਠਂ। ਸੋਤਸ੍ਸਾਹਂ , ਭਿਕ੍ਖવੇ… ਘਾਨਸ੍ਸਾਹਂ, ਭਿਕ੍ਖવੇ… ਜਿવ੍ਹਾਯਾਹਂ ਭਿਕ੍ਖવੇ, ਅਸ੍ਸਾਦਪਰਿਯੇਸਨਂ ਅਚਰਿਂ। ਯੋ ਜਿવ੍ਹਾਯ ਅਸ੍ਸਾਦੋ ਤਦਜ੍ਝਗਮਂ। ਯਾવਤਾ ਜਿવ੍ਹਾਯ ਅਸ੍ਸਾਦੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਜਿવ੍ਹਾਯਾਹਂ, ਭਿਕ੍ਖવੇ, ਆਦੀਨવਪਰਿਯੇਸਨਂ ਅਚਰਿਂ। ਯੋ ਜਿવ੍ਹਾਯ ਆਦੀਨવੋ ਤਦਜ੍ਝਗਮਂ। ਯਾવਤਾ ਜਿવ੍ਹਾਯ ਆਦੀਨવੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਜਿવ੍ਹਾਯਾਹਂ, ਭਿਕ੍ਖવੇ, ਨਿਸ੍ਸਰਣਪਰਿਯੇਸਨਂ ਅਚਰਿਂ। ਯਂ ਜਿવ੍ਹਾਯ ਨਿਸ੍ਸਰਣਂ ਤਦਜ੍ਝਗਮਂ। ਯਾવਤਾ ਜਿવ੍ਹਾਯ ਨਿਸ੍ਸਰਣਂ, ਪਞ੍ਞਾਯ ਮੇ ਤਂ ਸੁਦਿਟ੍ਠਂ। ਮਨਸ੍ਸਾਹਂ, ਭਿਕ੍ਖવੇ, ਅਸ੍ਸਾਦਪਰਿਯੇਸਨਂ ਅਚਰਿਂ। ਯੋ ਮਨਸ੍ਸ ਅਸ੍ਸਾਦੋ ਤਦਜ੍ਝਗਮਂ। ਯਾવਤਾ ਮਨਸ੍ਸ ਅਸ੍ਸਾਦੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਮਨਸ੍ਸਾਹਂ, ਭਿਕ੍ਖવੇ , ਆਦੀਨવਪਰਿਯੇਸਨਂ ਅਚਰਿਂ। ਯੋ ਮਨਸ੍ਸ ਆਦੀਨવੋ ਤਦਜ੍ਝਗਮਂ। ਯਾવਤਾ ਮਨਸ੍ਸ ਆਦੀਨવੋ ਪਞ੍ਞਾਯ ਮੇ ਸੋ ਸੁਦਿਟ੍ਠੋ। ਮਨਸ੍ਸਾਹਂ, ਭਿਕ੍ਖવੇ, ਨਿਸ੍ਸਰਣਪਰਿਯੇਸਨਂ ਅਚਰਿਂ। ਯਂ ਮਨਸ੍ਸ ਨਿਸ੍ਸਰਣਂ ਤਦਜ੍ਝਗਮਂ। ਯਾવਤਾ ਮਨਸ੍ਸ ਨਿਸ੍ਸਰਣਂ, ਪਞ੍ਞਾਯ ਮੇ ਤਂ ਸੁਦਿਟ੍ਠਂ।
15. ‘‘Cakkhussāhaṃ, bhikkhave, assādapariyesanaṃ acariṃ. Yo cakkhussa assādo tadajjhagamaṃ. Yāvatā cakkhussa assādo paññāya me so sudiṭṭho. Cakkhussāhaṃ, bhikkhave , ādīnavapariyesanaṃ acariṃ. Yo cakkhussa ādīnavo tadajjhagamaṃ. Yāvatā cakkhussa ādīnavo paññāya me so sudiṭṭho. Cakkhussāhaṃ, bhikkhave, nissaraṇapariyesanaṃ acariṃ. Yaṃ cakkhussa nissaraṇaṃ tadajjhagamaṃ. Yāvatā cakkhussa nissaraṇaṃ , paññāya me taṃ sudiṭṭhaṃ. Sotassāhaṃ , bhikkhave… ghānassāhaṃ, bhikkhave… jivhāyāhaṃ bhikkhave, assādapariyesanaṃ acariṃ. Yo jivhāya assādo tadajjhagamaṃ. Yāvatā jivhāya assādo paññāya me so sudiṭṭho. Jivhāyāhaṃ, bhikkhave, ādīnavapariyesanaṃ acariṃ. Yo jivhāya ādīnavo tadajjhagamaṃ. Yāvatā jivhāya ādīnavo paññāya me so sudiṭṭho. Jivhāyāhaṃ, bhikkhave, nissaraṇapariyesanaṃ acariṃ. Yaṃ jivhāya nissaraṇaṃ tadajjhagamaṃ. Yāvatā jivhāya nissaraṇaṃ, paññāya me taṃ sudiṭṭhaṃ. Manassāhaṃ, bhikkhave, assādapariyesanaṃ acariṃ. Yo manassa assādo tadajjhagamaṃ. Yāvatā manassa assādo paññāya me so sudiṭṭho. Manassāhaṃ, bhikkhave , ādīnavapariyesanaṃ acariṃ. Yo manassa ādīnavo tadajjhagamaṃ. Yāvatā manassa ādīnavo paññāya me so sudiṭṭho. Manassāhaṃ, bhikkhave, nissaraṇapariyesanaṃ acariṃ. Yaṃ manassa nissaraṇaṃ tadajjhagamaṃ. Yāvatā manassa nissaraṇaṃ, paññāya me taṃ sudiṭṭhaṃ.
‘‘ਯਾવਕੀવਞ੍ਚਾਹਂ, ਭਿਕ੍ਖવੇ, ਇਮੇਸਂ ਛਨ੍ਨਂ ਅਜ੍ਝਤ੍ਤਿਕਾਨਂ ਆਯਤਨਾਨਂ ਅਸ੍ਸਾਦਞ੍ਚ ਅਸ੍ਸਾਦਤੋ, ਆਦੀਨવਞ੍ਚ ਆਦੀਨવਤੋ, ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਨਾਬ੍ਭਞ੍ਞਾਸਿਂ…ਪੇ॰… ਪਚ੍ਚਞ੍ਞਾਸਿਂ। ਞਾਣਞ੍ਚ ਪਨ ਮੇ ਦਸ੍ਸਨਂ ਉਦਪਾਦਿ – ‘ਅਕੁਪ੍ਪਾ ਮੇ વਿਮੁਤ੍ਤਿ, ਅਯਮਨ੍ਤਿਮਾ ਜਾਤਿ, ਨਤ੍ਥਿ ਦਾਨਿ ਪੁਨਬ੍ਭવੋ’’’ਤਿ। ਤਤਿਯਂ।
‘‘Yāvakīvañcāhaṃ, bhikkhave, imesaṃ channaṃ ajjhattikānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññāsiṃ…pe… paccaññāsiṃ. Ñāṇañca pana me dassanaṃ udapādi – ‘akuppā me vimutti, ayamantimā jāti, natthi dāni punabbhavo’’’ti. Tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੪. ਪਠਮਪੁਬ੍ਬੇਸਮ੍ਬੋਧਸੁਤ੍ਤਾਦਿવਣ੍ਣਨਾ • 1-4. Paṭhamapubbesambodhasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੪. ਪਠਮਪੁਬ੍ਬੇਸਮ੍ਬੋਧਸੁਤ੍ਤਾਦਿવਣ੍ਣਨਾ • 1-4. Paṭhamapubbesambodhasuttādivaṇṇanā
