| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অঙ্গুত্তরনিকাযে
Aṅguttaranikāye
ছক্কনিপাত-অট্ঠকথা
Chakkanipāta-aṭṭhakathā
১. পঠমপণ্ণাসকং
1. Paṭhamapaṇṇāsakaṃ
১. আহুনেয্যৰগ্গো
1. Āhuneyyavaggo
১. পঠমআহুনেয্যসুত্তৰণ্ণনা
1. Paṭhamaāhuneyyasuttavaṇṇanā
১. ছক্কনিপাতস্স পঠমে ইধ, ভিক্খৰে, ভিক্খূতি, ভিক্খৰে, ইমস্মিং সাসনে ভিক্খু। নেৰ সুমনো হোতি ন দুম্মনোতি ইট্ঠারম্মণে রাগসহগতেন সোমনস্সেন সুমনো ৰা অনিট্ঠারম্মণে দোসসহগতেন দোমনস্সেন দুম্মনো ৰা ন হোতি। উপেক্খকো ৰিহরতি সতো সম্পজানোতি মজ্ঝত্তারম্মণে অসমপেক্খনেন অঞ্ঞাণুপেক্খায উপেক্খকভাৰং অনাপজ্জিত্ৰা সতো সম্পজানো হুত্ৰা আরম্মণে মজ্ঝত্তো ৰিহরতি। ইমস্মিং সুত্তে খীণাসৰস্স সততৰিহারো কথিতো।
1. Chakkanipātassa paṭhame idha, bhikkhave, bhikkhūti, bhikkhave, imasmiṃ sāsane bhikkhu. Neva sumano hoti na dummanoti iṭṭhārammaṇe rāgasahagatena somanassena sumano vā aniṭṭhārammaṇe dosasahagatena domanassena dummano vā na hoti. Upekkhako viharati sato sampajānoti majjhattārammaṇe asamapekkhanena aññāṇupekkhāya upekkhakabhāvaṃ anāpajjitvā sato sampajāno hutvā ārammaṇe majjhatto viharati. Imasmiṃ sutte khīṇāsavassa satatavihāro kathito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. পঠমআহুনেয্যসুত্তং • 1. Paṭhamaāhuneyyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. পঠমআহুনেয্যসুত্তৰণ্ণনা • 1. Paṭhamaāhuneyyasuttavaṇṇanā
