| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. পঠমঅভব্বট্ঠানসুত্তং
8. Paṭhamaabhabbaṭṭhānasuttaṃ
৯২. ‘‘ছযিমানি, ভিক্খৰে, অভব্বট্ঠানানি। কতমানি ছ? অভব্বো দিট্ঠিসম্পন্নো পুগ্গলো সত্থরি অগারৰো ৰিহরিতুং অপ্পতিস্সো, অভব্বো দিট্ঠিসম্পন্নো পুগ্গলো ধম্মে অগারৰো ৰিহরিতুং অপ্পতিস্সো, অভব্বো দিট্ঠিসম্পন্নো পুগ্গলো সঙ্ঘে অগারৰো ৰিহরিতুং অপ্পতিস্সো, অভব্বো দিট্ঠিসম্পন্নো পুগ্গলো সিক্খায অগারৰো ৰিহরিতুং অপ্পতিস্সো, অভব্বো দিট্ঠিসম্পন্নো পুগ্গলো অনাগমনীযং ৰত্থুং পচ্চাগন্তুং, অভব্বো দিট্ঠিসম্পন্নো পুগ্গলো অট্ঠমং ভৰং নিব্বত্তেতুং। ইমানি খো, ভিক্খৰে, ছ অভব্বট্ঠানানী’’তি। অট্ঠমং।
92. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo satthari agāravo viharituṃ appatisso, abhabbo diṭṭhisampanno puggalo dhamme agāravo viharituṃ appatisso, abhabbo diṭṭhisampanno puggalo saṅghe agāravo viharituṃ appatisso, abhabbo diṭṭhisampanno puggalo sikkhāya agāravo viharituṃ appatisso, abhabbo diṭṭhisampanno puggalo anāgamanīyaṃ vatthuṃ paccāgantuṃ, abhabbo diṭṭhisampanno puggalo aṭṭhamaṃ bhavaṃ nibbattetuṃ. Imāni kho, bhikkhave, cha abhabbaṭṭhānānī’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮-১১. অভব্বট্ঠানসুত্তচতুক্কৰণ্ণনা • 8-11. Abhabbaṭṭhānasuttacatukkavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২-১১. আৰরণসুত্তাদিৰণ্ণনা • 2-11. Āvaraṇasuttādivaṇṇanā
