| Library / Tipiṭaka / ਤਿਪਿਟਕ • Tipiṭaka / ਪੇਤવਤ੍ਥੁਪਾਲ਼ਿ • Petavatthupāḷi |
੧੧. ਪਾਟਲਿਪੁਤ੍ਤਪੇਤવਤ੍ਥੁ
11. Pāṭaliputtapetavatthu
੭੯੩.
793.
‘‘ਦਿਟ੍ਠਾ ਤਯਾ ਨਿਰਯਾ ਤਿਰਚ੍ਛਾਨਯੋਨਿ,
‘‘Diṭṭhā tayā nirayā tiracchānayoni,
ਪੇਤਾ ਅਸੁਰਾ ਅਥવਾਪਿ ਮਾਨੁਸਾ ਦੇવਾ। ਸਯਮਦ੍ਦਸ ਕਮ੍ਮવਿਪਾਕਮਤ੍ਤਨੋ,
Petā asurā athavāpi mānusā devā; Sayamaddasa kammavipākamattano,
ਨੇਸ੍ਸਾਮਿ ਤਂ ਪਾਟਲਿਪੁਤ੍ਤਮਕ੍ਖਤਂ। ਤਤ੍ਥ ਗਨ੍ਤ੍વਾ ਕੁਸਲਂ ਕਰੋਹਿ ਕਮ੍ਮਂ’’॥
Nessāmi taṃ pāṭaliputtamakkhataṃ; Tattha gantvā kusalaṃ karohi kammaṃ’’.
੭੯੪.
794.
‘‘ਅਤ੍ਥਕਾਮੋਸਿ ਮੇ ਯਕ੍ਖ, ਹਿਤਕਾਮੋਸਿ ਦੇવਤੇ।
‘‘Atthakāmosi me yakkha, hitakāmosi devate;
ਕਰੋਮਿ ਤੁਯ੍ਹਂ વਚਨਂ, ਤ੍વਂਸਿ ਆਚਰਿਯੋ ਮਮ॥
Karomi tuyhaṃ vacanaṃ, tvaṃsi ācariyo mama.
੭੯੫.
795.
‘‘ਦਿਟ੍ਠਾ ਮਯਾ ਨਿਰਯਾ ਤਿਰਚ੍ਛਾਨਯੋਨਿ, ਪੇਤਾ ਅਸੁਰਾ ਅਥવਾਪਿ ਮਾਨੁਸਾ ਦੇવਾ।
‘‘Diṭṭhā mayā nirayā tiracchānayoni, petā asurā athavāpi mānusā devā;
ਸਯਮਦ੍ਦਸਂ ਕਮ੍ਮવਿਪਾਕਮਤ੍ਤਨੋ, ਕਾਹਾਮਿ ਪੁਞ੍ਞਾਨਿ ਅਨਪ੍ਪਕਾਨੀ’’ਤਿ॥
Sayamaddasaṃ kammavipākamattano, kāhāmi puññāni anappakānī’’ti.
ਪਾਟਲਿਪੁਤ੍ਤਪੇਤવਤ੍ਥੁ ਏਕਾਦਸਮਂ।
Pāṭaliputtapetavatthu ekādasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪੇਤવਤ੍ਥੁ-ਅਟ੍ਠਕਥਾ • Petavatthu-aṭṭhakathā / ੧੧. ਪਾਟਲਿਪੁਤ੍ਤਪੇਤવਤ੍ਥੁવਣ੍ਣਨਾ • 11. Pāṭaliputtapetavatthuvaṇṇanā
