| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๑๑. ปาฎลิปุตฺตเปตวตฺถุ
11. Pāṭaliputtapetavatthu
๗๙๓.
793.
‘‘ทิฎฺฐา ตยา นิรยา ติรจฺฉานโยนิ,
‘‘Diṭṭhā tayā nirayā tiracchānayoni,
เปตา อสุรา อถวาปิ มานุสา เทวา; สยมทฺทส กมฺมวิปากมตฺตโน,
Petā asurā athavāpi mānusā devā; Sayamaddasa kammavipākamattano,
เนสฺสามิ ตํ ปาฎลิปุตฺตมกฺขตํ; ตตฺถ คนฺตฺวา กุสลํ กโรหิ กมฺมํ’’ฯ
Nessāmi taṃ pāṭaliputtamakkhataṃ; Tattha gantvā kusalaṃ karohi kammaṃ’’.
๗๙๔.
794.
‘‘อตฺถกาโมสิ เม ยกฺข, หิตกาโมสิ เทวเต;
‘‘Atthakāmosi me yakkha, hitakāmosi devate;
กโรมิ ตุยฺหํ วจนํ, ตฺวํสิ อาจริโย มมฯ
Karomi tuyhaṃ vacanaṃ, tvaṃsi ācariyo mama.
๗๙๕.
795.
‘‘ทิฎฺฐา มยา นิรยา ติรจฺฉานโยนิ, เปตา อสุรา อถวาปิ มานุสา เทวา;
‘‘Diṭṭhā mayā nirayā tiracchānayoni, petā asurā athavāpi mānusā devā;
สยมทฺทสํ กมฺมวิปากมตฺตโน, กาหามิ ปุญฺญานิ อนปฺปกานี’’ติฯ
Sayamaddasaṃ kammavipākamattano, kāhāmi puññāni anappakānī’’ti.
ปาฎลิปุตฺตเปตวตฺถุ เอกาทสมํฯ
Pāṭaliputtapetavatthu ekādasamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๑๑. ปาฎลิปุตฺตเปตวตฺถุวณฺณนา • 11. Pāṭaliputtapetavatthuvaṇṇanā
