| Library / Tipiṭaka / तिपिटक • Tipiṭaka / पेतवत्थुपाळि • Petavatthupāḷi |
११. पाटलिपुत्तपेतवत्थु
11. Pāṭaliputtapetavatthu
७९३.
793.
‘‘दिट्ठा तया निरया तिरच्छानयोनि,
‘‘Diṭṭhā tayā nirayā tiracchānayoni,
पेता असुरा अथवापि मानुसा देवा। सयमद्दस कम्मविपाकमत्तनो,
Petā asurā athavāpi mānusā devā; Sayamaddasa kammavipākamattano,
नेस्सामि तं पाटलिपुत्तमक्खतं। तत्थ गन्त्वा कुसलं करोहि कम्मं’’॥
Nessāmi taṃ pāṭaliputtamakkhataṃ; Tattha gantvā kusalaṃ karohi kammaṃ’’.
७९४.
794.
‘‘अत्थकामोसि मे यक्ख, हितकामोसि देवते।
‘‘Atthakāmosi me yakkha, hitakāmosi devate;
करोमि तुय्हं वचनं, त्वंसि आचरियो मम॥
Karomi tuyhaṃ vacanaṃ, tvaṃsi ācariyo mama.
७९५.
795.
‘‘दिट्ठा मया निरया तिरच्छानयोनि, पेता असुरा अथवापि मानुसा देवा।
‘‘Diṭṭhā mayā nirayā tiracchānayoni, petā asurā athavāpi mānusā devā;
सयमद्दसं कम्मविपाकमत्तनो, काहामि पुञ्ञानि अनप्पकानी’’ति॥
Sayamaddasaṃ kammavipākamattano, kāhāmi puññāni anappakānī’’ti.
पाटलिपुत्तपेतवत्थु एकादसमं।
Pāṭaliputtapetavatthu ekādasamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / पेतवत्थु-अट्ठकथा • Petavatthu-aṭṭhakathā / ११. पाटलिपुत्तपेतवत्थुवण्णना • 11. Pāṭaliputtapetavatthuvaṇṇanā
