| Library / Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
১১. পাটলিপুত্তপেতৰত্থু
11. Pāṭaliputtapetavatthu
৭৯৩.
793.
‘‘দিট্ঠা তযা নিরযা তিরচ্ছানযোনি,
‘‘Diṭṭhā tayā nirayā tiracchānayoni,
পেতা অসুরা অথৰাপি মানুসা দেৰা। সযমদ্দস কম্মৰিপাকমত্তনো,
Petā asurā athavāpi mānusā devā; Sayamaddasa kammavipākamattano,
নেস্সামি তং পাটলিপুত্তমক্খতং। তত্থ গন্ত্ৰা কুসলং করোহি কম্মং’’॥
Nessāmi taṃ pāṭaliputtamakkhataṃ; Tattha gantvā kusalaṃ karohi kammaṃ’’.
৭৯৪.
794.
‘‘অত্থকামোসি মে যক্খ, হিতকামোসি দেৰতে।
‘‘Atthakāmosi me yakkha, hitakāmosi devate;
করোমি তুয্হং ৰচনং, ত্ৰংসি আচরিযো মম॥
Karomi tuyhaṃ vacanaṃ, tvaṃsi ācariyo mama.
৭৯৫.
795.
‘‘দিট্ঠা মযা নিরযা তিরচ্ছানযোনি, পেতা অসুরা অথৰাপি মানুসা দেৰা।
‘‘Diṭṭhā mayā nirayā tiracchānayoni, petā asurā athavāpi mānusā devā;
সযমদ্দসং কম্মৰিপাকমত্তনো, কাহামি পুঞ্ঞানি অনপ্পকানী’’তি॥
Sayamaddasaṃ kammavipākamattano, kāhāmi puññāni anappakānī’’ti.
পাটলিপুত্তপেতৰত্থু একাদসমং।
Pāṭaliputtapetavatthu ekādasamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ১১. পাটলিপুত্তপেতৰত্থুৰণ্ণনা • 11. Pāṭaliputtapetavatthuvaṇṇanā
