| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. បាដលិបុប្ផិយត្ថេរអបទានំ
2. Pāṭalipupphiyattheraapadānaṃ
៦.
6.
‘‘វិបស្សី នាម ភគវា, សយម្ភូ អគ្គបុគ្គលោ;
‘‘Vipassī nāma bhagavā, sayambhū aggapuggalo;
បុរក្ខតោ សសិស្សេហិ, បាវិសិ ពន្ធុមំ ជិនោ។
Purakkhato sasissehi, pāvisi bandhumaṃ jino.
៧.
7.
‘‘តីណិ បាដលិបុប្ផានិ, ឧច្ឆង្គេ ឋបិតានិ មេ;
‘‘Tīṇi pāṭalipupphāni, ucchaṅge ṭhapitāni me;
សីសំ ន្ហាយិតុកាមោវ, នទីតិត្ថំ អគច្ឆហំ។
Sīsaṃ nhāyitukāmova, nadītitthaṃ agacchahaṃ.
៨.
8.
‘‘និក្ខម្ម ពន្ធុមតិយា, អទ្ទសំ លោកនាយកំ;
‘‘Nikkhamma bandhumatiyā, addasaṃ lokanāyakaṃ;
ឥន្ទីវរំវ ជលិតំ, អាទិត្តំវ ហុតាសនំ។
Indīvaraṃva jalitaṃ, ādittaṃva hutāsanaṃ.
៩.
9.
‘‘ព្យគ្ឃូសភំវ បវរំ, អភិជាតំវ កេសរិំ;
‘‘Byagghūsabhaṃva pavaraṃ, abhijātaṃva kesariṃ;
គច្ឆន្តំ សមណានគ្គំ, ភិក្ខុសង្ឃបុរក្ខតំ។
Gacchantaṃ samaṇānaggaṃ, bhikkhusaṅghapurakkhataṃ.
១០.
10.
គហេត្វា តីណិ បុប្ផានិ, ពុទ្ធសេដ្ឋំ អបូជយិំ។
Gahetvā tīṇi pupphāni, buddhaseṭṭhaṃ apūjayiṃ.
១១.
11.
‘‘ឯកនវុតិតោ កប្បេ, យំ បុប្ផមភិបូជយិំ;
‘‘Ekanavutito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បាដលិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
បាដលិបុប្ផិយត្ថេរស្សាបទានំ ទុតិយំ។
Pāṭalipupphiyattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១. លកុណ្ឌកភទ្ទិយត្ថេរអបទានវណ្ណនា • 1. Lakuṇḍakabhaddiyattheraapadānavaṇṇanā
