| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಪಾಟಲಿಗಾಮವತ್ಥುಕಥಾವಣ್ಣನಾ
Pāṭaligāmavatthukathāvaṇṇanā
೨೮೬. ಪಾಟಲಿಗಾಮೇ ನಗರಂ ಮಾಪೇನ್ತೀತಿ ಪಾಟಲಿಗಾಮಸ್ಸ ಸಮೀಪೇ ತಸ್ಸೇವ ಗಾಮಖೇತ್ತಭೂತೇ ಮಹನ್ತೇ ಅರಞ್ಞಪ್ಪದೇಸೇ ಪಾಟಲಿಪುತ್ತಂ ನಾಮ ನಗರಂ ಮಾಪೇನ್ತಿ। ಯಾವತಾ ಅರಿಯಂ ಆಯತನನ್ತಿ ಯತ್ತಕಂ ಅರಿಯಮನುಸ್ಸಾನಂ ಓಸರಣಟ್ಠಾನಂ। ಯಾವತಾ ವಣಿಪ್ಪಥೋತಿ ಯತ್ತಕಂ ವಾಣಿಜಾನಂ ಭಣ್ಡವಿಕ್ಕೀಣನಟ್ಠಾನಂ, ವಸನಟ್ಠಾನಂ ವಾ, ಇದಂ ತೇಸಂ ಸಬ್ಬೇಸಂ ಅಗ್ಗನಗರಂ ಭವಿಸ್ಸತೀತಿ ಅತ್ಥೋ। ಪುಟಭೇದನನ್ತಿ ಸಕಟಾದೀಹಿ ನಾನಾದೇಸತೋ ಆಹಟಾನಂ ಭಣ್ಡಪುಟಾನಂ ವಿಕ್ಕೀಣನತ್ಥಾಯ ಮೋಚನಟ್ಠಾನಂ। ಸರನ್ತಿ ತಳಾಕಾದೀಸುಪಿ ವತ್ತತಿ , ತನ್ನಿವತ್ತನತ್ಥಂ ‘‘ಸರನ್ತಿ ಇಧ ನದೀ ಅಧಿಪ್ಪೇತಾ’’ತಿ ವುತ್ತಂ ಸರತಿ ಸನ್ದತೀತಿ ಕತ್ವಾ। ವಿನಾ ಏವ ಕುಲ್ಲೇನ ತಿಣ್ಣಾತಿ ಇದಂ ಅಪ್ಪಮತ್ತಕಉದಕಮ್ಪಿ ಅಫುಸಿತ್ವಾ ವಿನಾ ಕುಲ್ಲೇನ ಪಾರಪ್ಪತ್ತಾ।
286.Pāṭaligāme nagaraṃ māpentīti pāṭaligāmassa samīpe tasseva gāmakhettabhūte mahante araññappadese pāṭaliputtaṃ nāma nagaraṃ māpenti. Yāvatā ariyaṃ āyatananti yattakaṃ ariyamanussānaṃ osaraṇaṭṭhānaṃ. Yāvatā vaṇippathoti yattakaṃ vāṇijānaṃ bhaṇḍavikkīṇanaṭṭhānaṃ, vasanaṭṭhānaṃ vā, idaṃ tesaṃ sabbesaṃ agganagaraṃ bhavissatīti attho. Puṭabhedananti sakaṭādīhi nānādesato āhaṭānaṃ bhaṇḍapuṭānaṃ vikkīṇanatthāya mocanaṭṭhānaṃ. Saranti taḷākādīsupi vattati , tannivattanatthaṃ ‘‘saranti idha nadī adhippetā’’ti vuttaṃ sarati sandatīti katvā. Vinā eva kullena tiṇṇāti idaṃ appamattakaudakampi aphusitvā vinā kullena pārappattā.
ಪಾಟಲಿಗಾಮವತ್ಥುಕಥಾವಣ್ಣನಾ ನಿಟ್ಠಿತಾ।
Pāṭaligāmavatthukathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೭೪. ಸುನಿಧವಸ್ಸಕಾರವತ್ಥು • 174. Sunidhavassakāravatthu
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಪಾಟಲಿಗಾಮವತ್ಥುಕಥಾ • Pāṭaligāmavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಸುನಿಧವಸ್ಸಕಾರವತ್ಥುಕಥಾವಣ್ಣನಾ • Sunidhavassakāravatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧೭೩. ಪಾಟಲಿಗಾಮವತ್ಥುಕಥಾ • 173. Pāṭaligāmavatthukathā
