| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਪਾਤਾਲਸੁਤ੍ਤવਣ੍ਣਨਾ
4. Pātālasuttavaṇṇanā
੨੫੨. ਯਤ੍ਥ ਪਤਿਟ੍ਠਾ ਨਤ੍ਥਿ ਏਕਨ੍ਤਿਕਾਤਿ ਏਕਨ੍ਤਿਕਸ੍ਸ ਮਹਤੋ ਪਾਤਸ੍ਸ ਅਲਨ੍ਤਿ ਅਯਮੇਤ੍ਥ ਅਤ੍ਥੋ ਅਧਿਪ੍ਪੇਤੋਤਿ ਆਹ ‘‘ਨਤ੍ਥਿ ਏਤ੍ਥ ਪਤਿਟ੍ਠਾ’’ਤਿ। ਅਸਮ੍ਭੂਤਤ੍ਥਨ੍ਤਿ ਨ ਸਮ੍ਭੂਤਤ੍ਥਂ, ਮੁਸਾਤਿ ਅਤ੍ਥੋ। ਸੋਤਿ ਅਸ੍ਸੁਤવਾ ਪੁਥੁਜ੍ਜਨੋ। ਯਂ ਤਂ ਉਦਕਂ ਪਤਤੀਤਿ ਯੋਜਨਾ। ਯਸ੍ਮਾ ਸਮੁਦ੍ਦਪਿਟ੍ਠੇ ਅਨ੍ਤਰਨ੍ਤਰਾ વੇਰਮ੍ਭવਾਤਸਦਿਸੋ ਮਹਾવਾਤੋ ਉਟ੍ਠਹਿਤ੍વਾ ਮਹਾਸਮੁਦ੍ਦੇ ਉਦਕਂ ਉਗ੍ਗਚ੍ਛਾਪੇਤਿ, ਤਂ ਕਦਾਚਿ ਚਕ੍ਕવਾਲ਼ਾਭਿਮੁਖਂ, ਕਦਾਚਿ ਸਿਨੇਰੁਪਾਦਾਭਿਮੁਖਂ ਗਨ੍ਤ੍વਾ ਤਂ ਪਤਿਹਨਤਿ, ਤਸ੍ਮਾ વੁਤ੍ਤਂ ‘‘ਬਲવਾਮੁਖਂ ਮਹਾਸਮੁਦ੍ਦਸ੍ਸਾ’’ਤਿਆਦਿ। વੇਗੇਨ ਪਕ੍ਖਨ੍ਦਿਤ੍વਾਤਿ ਮਹਤਾ વਾਤવੇਗੇਨ ਸਮੁਦ੍ਧਤਂ ਤੇਨੇવ વੇਗੇਨ ਪਕ੍ਖਨ੍ਦਨ੍ਤਞ੍ਚ ਹੁਤ੍વਾ। ਮਹਾਨਰਕਪਪਾਤੋ વਿਯਾਤਿ ਯੋਜਨਾਯਾਮવਿਤ੍ਥਾਰਗਮ੍ਭੀਰਸੋਬ੍ਭਪਪਾਤੋ વਿਯ ਹੋਤਿ। ਤਥਾਰੂਪਾਨਨ੍ਤਿ ਤਤ੍ਥ વਸਿਤੁਂ ਸਮਤ੍ਥਾਨਂ। ਅਸਨ੍ਤਨ੍ਤਿ ਅਭੂਤਂ। ਅਤ੍ਥવਸੇਨ ਹਿ વਾਚਾ ਅਭੂਤਂ ਨਾਮ।
252. Yattha patiṭṭhā natthi ekantikāti ekantikassa mahato pātassa alanti ayamettha attho adhippetoti āha ‘‘natthi ettha patiṭṭhā’’ti. Asambhūtatthanti na sambhūtatthaṃ, musāti attho. Soti assutavā puthujjano. Yaṃ taṃ udakaṃ patatīti yojanā. Yasmā samuddapiṭṭhe antarantarā verambhavātasadiso mahāvāto uṭṭhahitvā mahāsamudde udakaṃ uggacchāpeti, taṃ kadāci cakkavāḷābhimukhaṃ, kadāci sinerupādābhimukhaṃ gantvā taṃ patihanati, tasmā vuttaṃ ‘‘balavāmukhaṃ mahāsamuddassā’’tiādi. Vegena pakkhanditvāti mahatā vātavegena samuddhataṃ teneva vegena pakkhandantañca hutvā. Mahānarakapapāto viyāti yojanāyāmavitthāragambhīrasobbhapapāto viya hoti. Tathārūpānanti tattha vasituṃ samatthānaṃ. Asantanti abhūtaṃ. Atthavasena hi vācā abhūtaṃ nāma.
ਨ ਪਤਿਟ੍ਠਾਸੀਤਿ ਪਤਿਟ੍ਠਂ ਨ ਲਭਿ। ਅਨਿਬਦ੍ਧਨ੍ਤਿ ਅਨਿਬਨ੍ਧਨਤ੍ਥਂ ਯਂਕਿਞ੍ਚਿ। ਦੁਬ੍ਬਲਞਾਣੋਤਿ ਞਾਣਬਲਰਹਿਤੋ। ‘‘ਅਸ੍ਸੁਤવਾ ਪੁਥੁਜ੍ਜਨੋ’’ਤਿ વਤ੍વਾ ‘‘ਸੁਤવਾ ਅਰਿਯਸਾવਕੋ’’ਤਿ વੁਤ੍ਤਤ੍ਤਾ ‘‘ਸੋਤਾਪਨ੍ਨੋ ਧੁਰ’’ਨ੍ਤਿ વੁਤ੍ਤਂ। ਇਤਰੇਸੁ ਅਰਿਯਸਾવਕੇਸੁ વਤ੍ਤਬ੍ਬਮੇવ ਨਤ੍ਥਿ। ਤੇਸਞ੍ਹਿ વੇਦਨਾ ਸੁਪਰਿਞ੍ਞਾਤਾ। ਬਲવવਿਪਸ੍ਸਕੋ…ਪੇ॰… ਯੋਗਾવਚਰੋਪਿ વਟ੍ਟਤਿ ਮਤ੍ਤਸੋ વੇਦਨਾਨਂ ਪਰਿਞ੍ਞਾਤਤ੍ਤਾ।
Na patiṭṭhāsīti patiṭṭhaṃ na labhi. Anibaddhanti anibandhanatthaṃ yaṃkiñci. Dubbalañāṇoti ñāṇabalarahito. ‘‘Assutavā puthujjano’’ti vatvā ‘‘sutavā ariyasāvako’’ti vuttattā ‘‘sotāpanno dhura’’nti vuttaṃ. Itaresu ariyasāvakesu vattabbameva natthi. Tesañhi vedanā supariññātā. Balavavipassako…pe… yogāvacaropi vaṭṭati mattaso vedanānaṃ pariññātattā.
ਪਾਤਾਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pātālasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਪਾਤਾਲਸੁਤ੍ਤਂ • 4. Pātālasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਪਾਤਾਲਸੁਤ੍ਤવਣ੍ਣਨਾ • 4. Pātālasuttavaṇṇanā
