| Library / Tipiṭaka / तिपिटक • Tipiṭaka / इतिवुत्तक-अट्ठकथा • Itivuttaka-aṭṭhakathā |
३. ततियवग्गो
3. Tatiyavaggo
१. पसन्नचित्तसुत्तवण्णना
1. Pasannacittasuttavaṇṇanā
२१. ततियवग्गस्स पठमे पसन्नचित्तन्ति रतनत्तयसद्धाय कम्मफलसद्धाय च पसन्नमानसं। सुगतिन्ति सुन्दरं गतिं, सुखस्स वा गतिन्ति सुगतिं। सग्गन्ति रूपादिसम्पत्तीहि सुट्ठु अग्गन्ति सग्गं। लोकन्ति लोकियन्ति एत्थ पुञ्ञपापफलानि, लुज्जनट्ठेनेव वा लोकं। एत्थ च सुगतिग्गहणेन मनुस्सगतिपि सङ्गय्हति, सग्गग्गहणेन देवगति एव। सेसं हेट्ठा वुत्तनयमेव।
21. Tatiyavaggassa paṭhame pasannacittanti ratanattayasaddhāya kammaphalasaddhāya ca pasannamānasaṃ. Sugatinti sundaraṃ gatiṃ, sukhassa vā gatinti sugatiṃ. Sagganti rūpādisampattīhi suṭṭhu agganti saggaṃ. Lokanti lokiyanti ettha puññapāpaphalāni, lujjanaṭṭheneva vā lokaṃ. Ettha ca sugatiggahaṇena manussagatipi saṅgayhati, saggaggahaṇena devagati eva. Sesaṃ heṭṭhā vuttanayameva.
पठमसुत्तवण्णना निट्ठिता।
Paṭhamasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / इतिवुत्तकपाळि • Itivuttakapāḷi / १. पसन्नचित्तसुत्तं • 1. Pasannacittasuttaṃ
