| Library / Tipiṭaka / តិបិដក • Tipiṭaka / ជាតក-អដ្ឋកថា • Jātaka-aṭṭhakathā |
១១. បរោសតវគ្គោ
11. Parosatavaggo
[១០១] ១. បរោសតជាតកវណ្ណនា
[101] 1. Parosatajātakavaṇṇanā
១០១.
101.
‘‘បរោសតញ្ចេបិ សមាគតានំ, ឈាយេយ្យុំ តេ វស្សសតំ អបញ្ញា;
‘‘Parosatañcepi samāgatānaṃ, jhāyeyyuṃ te vassasataṃ apaññā;
ឯកោវ សេយ្យោ បុរិសោ សបញ្ញោ, យោ ភាសិតស្ស វិជានាតិ អត្ថ’’ន្តិ។ –
Ekova seyyo puriso sapañño, yo bhāsitassa vijānāti attha’’nti. –
ឥទំ ជាតកំ វត្ថុតោ ច វេយ្យាករណតោ ច សមោធានតោ ច បរោសហស្សជាតកសទិសមេវ។ កេវលញ្ហេត្ថ ‘‘ឈាយេយ្យុ’’ន្តិ បទមត្តមេវ វិសេសោ។ តស្សត្ថោ – វស្សសតម្បិ អបញ្ញា ឈាយេយ្យុំ ឱលោកេយ្យុំ ឧបធារេយ្យុំ, ឯវំ ឱលោកេន្តាបិ បន អត្ថំ វា ការណំ វា ន បស្សន្តិ, តស្មា យោ ភាសិតស្ស អត្ថំ ជានាតិ, សោ ឯកោវ សបញ្ញោ សេយ្យោតិ។
Idaṃ jātakaṃ vatthuto ca veyyākaraṇato ca samodhānato ca parosahassajātakasadisameva. Kevalañhettha ‘‘jhāyeyyu’’nti padamattameva viseso. Tassattho – vassasatampi apaññā jhāyeyyuṃ olokeyyuṃ upadhāreyyuṃ, evaṃ olokentāpi pana atthaṃ vā kāraṇaṃ vā na passanti, tasmā yo bhāsitassa atthaṃ jānāti, so ekova sapañño seyyoti.
បរោសតជាតកវណ្ណនា បឋមា។
Parosatajātakavaṇṇanā paṭhamā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / ជាតកបាឡិ • Jātakapāḷi / ១០១. បរោសតជាតកំ • 101. Parosatajātakaṃ
