| Library / Tipiṭaka / তিপিটক • Tipiṭaka / জাতক-অট্ঠকথা • Jātaka-aṭṭhakathā |
১১. পরোসতৰগ্গো
11. Parosatavaggo
[১০১] ১. পরোসতজাতকৰণ্ণনা
[101] 1. Parosatajātakavaṇṇanā
১০১.
101.
‘‘পরোসতঞ্চেপি সমাগতানং, ঝাযেয্যুং তে ৰস্সসতং অপঞ্ঞা।
‘‘Parosatañcepi samāgatānaṃ, jhāyeyyuṃ te vassasataṃ apaññā;
একোৰ সেয্যো পুরিসো সপঞ্ঞো, যো ভাসিতস্স ৰিজানাতি অত্থ’’ন্তি॥ –
Ekova seyyo puriso sapañño, yo bhāsitassa vijānāti attha’’nti. –
ইদং জাতকং ৰত্থুতো চ ৰেয্যাকরণতো চ সমোধানতো চ পরোসহস্সজাতকসদিসমেৰ। কেৰলঞ্হেত্থ ‘‘ঝাযেয্যু’’ন্তি পদমত্তমেৰ ৰিসেসো। তস্সত্থো – ৰস্সসতম্পি অপঞ্ঞা ঝাযেয্যুং ওলোকেয্যুং উপধারেয্যুং, এৰং ওলোকেন্তাপি পন অত্থং ৰা কারণং ৰা ন পস্সন্তি, তস্মা যো ভাসিতস্স অত্থং জানাতি, সো একোৰ সপঞ্ঞো সেয্যোতি।
Idaṃ jātakaṃ vatthuto ca veyyākaraṇato ca samodhānato ca parosahassajātakasadisameva. Kevalañhettha ‘‘jhāyeyyu’’nti padamattameva viseso. Tassattho – vassasatampi apaññā jhāyeyyuṃ olokeyyuṃ upadhāreyyuṃ, evaṃ olokentāpi pana atthaṃ vā kāraṇaṃ vā na passanti, tasmā yo bhāsitassa atthaṃ jānāti, so ekova sapañño seyyoti.
পরোসতজাতকৰণ্ণনা পঠমা।
Parosatajātakavaṇṇanā paṭhamā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / জাতকপাল়ি • Jātakapāḷi / ১০১. পরোসতজাতকং • 101. Parosatajātakaṃ
