| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๔. จุทฺทสมวโคฺค
14. Cuddasamavaggo
(๑๔๑) ๖. ปริยุฎฺฐานํ จิตฺตวิปฺปยุตฺตนฺติกถา
(141) 6. Pariyuṭṭhānaṃ cittavippayuttantikathā
๗๐๒. ปริยุฎฺฐานํ จิตฺตวิปฺปยุตฺตนฺติ? อามนฺตาฯ รูปํ นิพฺพานํ จกฺขายตนํ…เป.… โผฎฺฐพฺพายตนนฺติ? น เหวํ วตฺตเพฺพ…เป.… ปริยุฎฺฐานํ จิตฺตวิปฺปยุตฺตนฺติ? อามนฺตาฯ นตฺถิ สราคํ จิตฺตํ สโทสํ จิตฺตํ สโมหํ จิตฺตํ…เป.… อกุสลํ จิตฺตํ สํกิลิฎฺฐํ จิตฺตนฺติ? น เหวํ วตฺตเพฺพ…เป.… นนุ อตฺถิ สราคํ จิตฺตํ สโทสํ จิตฺตํ สโมหํ จิตฺตํ…เป.… อกุสลํ จิตฺตํ สํกิลิฎฺฐํ จิตฺตนฺติ? อามนฺตาฯ หญฺจิ อตฺถิ สราคํ จิตฺตํ สโทสํ จิตฺตํ สโมหํ จิตฺตํ…เป.… อกุสลํ จิตฺตํ สํกิลิฎฺฐํ จิตฺตํ, โน จ วต เร วตฺตเพฺพ – ‘‘ปริยุฎฺฐานํ จิตฺตวิปฺปยุตฺต’’นฺติฯ
702. Pariyuṭṭhānaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… pariyuṭṭhānaṃ cittavippayuttanti? Āmantā. Natthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Na hevaṃ vattabbe…pe… nanu atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Āmantā. Hañci atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittaṃ, no ca vata re vattabbe – ‘‘pariyuṭṭhānaṃ cittavippayutta’’nti.
ปริยุฎฺฐานํ จิตฺตวิปฺปยุตฺตนฺติกถา นิฎฺฐิตาฯ
Pariyuṭṭhānaṃ cittavippayuttantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๖. ปริยุฎฺฐานํ จิตฺตวิปฺปยุตฺตนฺติกถาวณฺณนา • 6. Pariyuṭṭhānaṃ cittavippayuttantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๖. ปริยุฎฺฐานํจิตฺตวิปฺปยุตฺตนฺติกถาวณฺณนา • 6. Pariyuṭṭhānaṃcittavippayuttantikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๖. ปริยุฎฺฐานํจิตฺตวิปฺปยุตฺตนฺติกถาวณฺณนา • 6. Pariyuṭṭhānaṃcittavippayuttantikathāvaṇṇanā
