| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१४. चुद्दसमवग्गो
14. Cuddasamavaggo
(१४१) ६. परियुट्ठानं चित्तविप्पयुत्तन्तिकथा
(141) 6. Pariyuṭṭhānaṃ cittavippayuttantikathā
७०२. परियुट्ठानं चित्तविप्पयुत्तन्ति? आमन्ता। रूपं निब्बानं चक्खायतनं…पे॰… फोट्ठब्बायतनन्ति? न हेवं वत्तब्बे…पे॰… परियुट्ठानं चित्तविप्पयुत्तन्ति? आमन्ता। नत्थि सरागं चित्तं सदोसं चित्तं समोहं चित्तं…पे॰… अकुसलं चित्तं संकिलिट्ठं चित्तन्ति? न हेवं वत्तब्बे…पे॰… ननु अत्थि सरागं चित्तं सदोसं चित्तं समोहं चित्तं…पे॰… अकुसलं चित्तं संकिलिट्ठं चित्तन्ति? आमन्ता। हञ्चि अत्थि सरागं चित्तं सदोसं चित्तं समोहं चित्तं…पे॰… अकुसलं चित्तं संकिलिट्ठं चित्तं, नो च वत रे वत्तब्बे – ‘‘परियुट्ठानं चित्तविप्पयुत्त’’न्ति।
702. Pariyuṭṭhānaṃ cittavippayuttanti? Āmantā. Rūpaṃ nibbānaṃ cakkhāyatanaṃ…pe… phoṭṭhabbāyatananti? Na hevaṃ vattabbe…pe… pariyuṭṭhānaṃ cittavippayuttanti? Āmantā. Natthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Na hevaṃ vattabbe…pe… nanu atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittanti? Āmantā. Hañci atthi sarāgaṃ cittaṃ sadosaṃ cittaṃ samohaṃ cittaṃ…pe… akusalaṃ cittaṃ saṃkiliṭṭhaṃ cittaṃ, no ca vata re vattabbe – ‘‘pariyuṭṭhānaṃ cittavippayutta’’nti.
परियुट्ठानं चित्तविप्पयुत्तन्तिकथा निट्ठिता।
Pariyuṭṭhānaṃ cittavippayuttantikathā niṭṭhitā.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ६. परियुट्ठानं चित्तविप्पयुत्तन्तिकथावण्णना • 6. Pariyuṭṭhānaṃ cittavippayuttantikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ६. परियुट्ठानंचित्तविप्पयुत्तन्तिकथावण्णना • 6. Pariyuṭṭhānaṃcittavippayuttantikathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ६. परियुट्ठानंचित्तविप्पयुत्तन्तिकथावण्णना • 6. Pariyuṭṭhānaṃcittavippayuttantikathāvaṇṇanā
