| Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂပာဠိ • Paṭisambhidāmaggapāḷi |
၄၂. ပရိယောဂာဟဏဉာဏနိဒ္ဒေသော
42. Pariyogāhaṇañāṇaniddeso
၉၃. ကထံ ဖုဋ္ဌတ္တာ ပညာ ပရိယောဂာဟဏေ ဉာဏံ? ရူပံ အနိစ္စတော ဖုသတိ, ရူပံ ဒုက္ခတော ဖုသတိ, ရူပံ အနတ္တတော ဖုသတိ။ ယံ ယံ ဖုသတိ တံ တံ ပရိယောဂာဟတီတိ – ဖုဋ္ဌတ္တာ ပညာ ပရိယောဂာဟဏေ ဉာဏံ။ ဝေဒနံ။ပေ.။ သညံ။ သင္ခာရေ။ ဝိညာဏံ။ စက္ခုံ။ပေ.။ ဇရာမရဏံ အနိစ္စတော ဖုသတိ, ဒုက္ခတော ဖုသတိ, အနတ္တတော ဖုသတိ။ ယံ ယံ ဖုသတိ တံ တံ ပရိယောဂာဟတီတိ – ဖုဋ္ဌတ္တာ ပညာ ပရိယောဂာဟဏေ ဉာဏံ။ တံ ဉာတဋ္ဌေန ဉာဏံ, ပဇာနနဋ္ဌေန ပညာ။ တေန ဝုစ္စတိ – ‘‘ဖုဋ္ဌတ္တာ ပညာ ပရိယောဂာဟဏေ ဉာဏံ’’။
93. Kathaṃ phuṭṭhattā paññā pariyogāhaṇe ñāṇaṃ? Rūpaṃ aniccato phusati, rūpaṃ dukkhato phusati, rūpaṃ anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato phusati, dukkhato phusati, anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘phuṭṭhattā paññā pariyogāhaṇe ñāṇaṃ’’.
ပရိယောဂာဟဏဉာဏနိဒ္ဒေသော ဒ္ဝေစတ္တာလီသမော။
Pariyogāhaṇañāṇaniddeso dvecattālīsamo.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā / ၄၁-၄၂. ခန္တိဉာဏပရိယောဂာဟဏဉာဏနိဒ္ဒေသဝဏ္ဏနာ • 41-42. Khantiñāṇapariyogāhaṇañāṇaniddesavaṇṇanā
