| Library / Tipiṭaka / તિપિટક • Tipiṭaka / પટિસમ્ભિદામગ્ગપાળિ • Paṭisambhidāmaggapāḷi |
૪૨. પરિયોગાહણઞાણનિદ્દેસો
42. Pariyogāhaṇañāṇaniddeso
૯૩. કથં ફુટ્ઠત્તા પઞ્ઞા પરિયોગાહણે ઞાણં? રૂપં અનિચ્ચતો ફુસતિ, રૂપં દુક્ખતો ફુસતિ, રૂપં અનત્તતો ફુસતિ. યં યં ફુસતિ તં તં પરિયોગાહતીતિ – ફુટ્ઠત્તા પઞ્ઞા પરિયોગાહણે ઞાણં. વેદનં…પે॰… સઞ્ઞં… સઙ્ખારે… વિઞ્ઞાણં… ચક્ખું…પે॰… જરામરણં અનિચ્ચતો ફુસતિ, દુક્ખતો ફુસતિ, અનત્તતો ફુસતિ. યં યં ફુસતિ તં તં પરિયોગાહતીતિ – ફુટ્ઠત્તા પઞ્ઞા પરિયોગાહણે ઞાણં. તં ઞાતટ્ઠેન ઞાણં, પજાનનટ્ઠેન પઞ્ઞા. તેન વુચ્ચતિ – ‘‘ફુટ્ઠત્તા પઞ્ઞા પરિયોગાહણે ઞાણં’’.
93. Kathaṃ phuṭṭhattā paññā pariyogāhaṇe ñāṇaṃ? Rūpaṃ aniccato phusati, rūpaṃ dukkhato phusati, rūpaṃ anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato phusati, dukkhato phusati, anattato phusati. Yaṃ yaṃ phusati taṃ taṃ pariyogāhatīti – phuṭṭhattā paññā pariyogāhaṇe ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘phuṭṭhattā paññā pariyogāhaṇe ñāṇaṃ’’.
પરિયોગાહણઞાણનિદ્દેસો દ્વેચત્તાલીસમો.
Pariyogāhaṇañāṇaniddeso dvecattālīsamo.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પટિસમ્ભિદામગ્ગ-અટ્ઠકથા • Paṭisambhidāmagga-aṭṭhakathā / ૪૧-૪૨. ખન્તિઞાણપરિયોગાહણઞાણનિદ્દેસવણ્ણના • 41-42. Khantiñāṇapariyogāhaṇañāṇaniddesavaṇṇanā
