| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๒. ปริเยสนาสุตฺตํ
2. Pariyesanāsuttaṃ
๒๕๕. ‘‘จตโสฺส อิมา, ภิกฺขเว, อนริยปริเยสนาฯ กตมา จตโสฺส? อิธ, ภิกฺขเว, เอกโจฺจ อตฺตนา ชราธโมฺม สมาโน ชราธมฺมํเยว ปริเยสติ; อตฺตนา พฺยาธิธโมฺม สมาโน พฺยาธิธมฺมํเยว ปริเยสติ; อตฺตนา มรณธโมฺม สมาโน มรณธมฺมํเยว ปริเยสติ; อตฺตนา สํกิเลสธโมฺม สมาโน สํกิเลสธมฺมํเยว ปริเยสติฯ อิมา โข, ภิกฺขเว, จตโสฺส อนริยปริเยสนาฯ
255. ‘‘Catasso imā, bhikkhave, anariyapariyesanā. Katamā catasso? Idha, bhikkhave, ekacco attanā jarādhammo samāno jarādhammaṃyeva pariyesati; attanā byādhidhammo samāno byādhidhammaṃyeva pariyesati; attanā maraṇadhammo samāno maraṇadhammaṃyeva pariyesati; attanā saṃkilesadhammo samāno saṃkilesadhammaṃyeva pariyesati. Imā kho, bhikkhave, catasso anariyapariyesanā.
‘‘จตโสฺส อิมา, ภิกฺขเว, อริยปริเยสนาฯ กตมา จตโสฺส? อิธ, ภิกฺขเว, เอกโจฺจ อตฺตนา ชราธโมฺม สมาโน ชราธเมฺม อาทีนวํ วิทิตฺวา อชรํ อนุตฺตรํ โยคเกฺขมํ นิพฺพานํ ปริเยสติ; อตฺตนา พฺยาธิธโมฺม สมาโน พฺยาธิธเมฺม อาทีนวํ วิทิตฺวา อพฺยาธิํ อนุตฺตรํ โยคเกฺขมํ นิพฺพานํ ปริเยสติ; อตฺตนา มรณธโมฺม สมาโน มรณธเมฺม อาทีนวํ วิทิตฺวา อมตํ อนุตฺตรํ โยคเกฺขมํ นิพฺพานํ ปริเยสติ; อตฺตนา สํกิเลสธโมฺม สมาโน สํกิเลสธเมฺม อาทีนวํ วิทิตฺวา อสํกิลิฎฺฐํ อนุตฺตรํ โยคเกฺขมํ นิพฺพานํ ปริเยสติฯ อิมา โข, ภิกฺขเว , จตโสฺส อริยปริเยสนา’’ติฯ ทุติยํฯ
‘‘Catasso imā, bhikkhave, ariyapariyesanā. Katamā catasso? Idha, bhikkhave, ekacco attanā jarādhammo samāno jarādhamme ādīnavaṃ viditvā ajaraṃ anuttaraṃ yogakkhemaṃ nibbānaṃ pariyesati; attanā byādhidhammo samāno byādhidhamme ādīnavaṃ viditvā abyādhiṃ anuttaraṃ yogakkhemaṃ nibbānaṃ pariyesati; attanā maraṇadhammo samāno maraṇadhamme ādīnavaṃ viditvā amataṃ anuttaraṃ yogakkhemaṃ nibbānaṃ pariyesati; attanā saṃkilesadhammo samāno saṃkilesadhamme ādīnavaṃ viditvā asaṃkiliṭṭhaṃ anuttaraṃ yogakkhemaṃ nibbānaṃ pariyesati. Imā kho, bhikkhave , catasso ariyapariyesanā’’ti. Dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑-๓. อภิญฺญาสุตฺตาทิวณฺณนา • 1-3. Abhiññāsuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๓. อภิญฺญาสุตฺตาทิวณฺณนา • 1-3. Abhiññāsuttādivaṇṇanā
