| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
(૨૨) ૨. પરિસાવગ્ગો
(22) 2. Parisāvaggo
૧. પરિસાસુત્તં
1. Parisāsuttaṃ
૨૧૧. ‘‘ચત્તારોમે , ભિક્ખવે, પરિસદૂસના. કતમે ચત્તારો? ભિક્ખુ, ભિક્ખવે 1, દુસ્સીલો પાપધમ્મો પરિસદૂસનો; ભિક્ખુની, ભિક્ખવે, દુસ્સીલા પાપધમ્મા પરિસદૂસના; ઉપાસકો, ભિક્ખવે, દુસ્સીલો પાપધમ્મો પરિસદૂસનો; ઉપાસિકા, ભિક્ખવે, દુસ્સીલા પાપધમ્મા પરિસદૂસના. ઇમે ખો, ભિક્ખવે, ચત્તારો પરિસદૂસના.
211. ‘‘Cattārome , bhikkhave, parisadūsanā. Katame cattāro? Bhikkhu, bhikkhave 2, dussīlo pāpadhammo parisadūsano; bhikkhunī, bhikkhave, dussīlā pāpadhammā parisadūsanā; upāsako, bhikkhave, dussīlo pāpadhammo parisadūsano; upāsikā, bhikkhave, dussīlā pāpadhammā parisadūsanā. Ime kho, bhikkhave, cattāro parisadūsanā.
‘‘ચત્તારોમે, ભિક્ખવે, પરિસસોભના. કતમે ચત્તારો? ભિક્ખુ, ભિક્ખવે, સીલવા કલ્યાણધમ્મો પરિસસોભનો ; ભિક્ખુની, ભિક્ખવે, સીલવતી કલ્યાણધમ્મા પરિસસોભના; ઉપાસકો, ભિક્ખવે, સીલવા કલ્યાણધમ્મો પરિસસોભનો; ઉપાસિકા, ભિક્ખવે, સીલવતી કલ્યાણધમ્મા પરિસસોભના. ઇમે ખો, ભિક્ખવે, ચત્તારો પરિસસોભના’’તિ. પઠમં.
‘‘Cattārome, bhikkhave, parisasobhanā. Katame cattāro? Bhikkhu, bhikkhave, sīlavā kalyāṇadhammo parisasobhano ; bhikkhunī, bhikkhave, sīlavatī kalyāṇadhammā parisasobhanā; upāsako, bhikkhave, sīlavā kalyāṇadhammo parisasobhano; upāsikā, bhikkhave, sīlavatī kalyāṇadhammā parisasobhanā. Ime kho, bhikkhave, cattāro parisasobhanā’’ti. Paṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. પરિસાસુત્તવણ્ણના • 1. Parisāsuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સિક્ખાપદસુત્તાદિવણ્ણના • 1-10. Sikkhāpadasuttādivaṇṇanā
