| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. ਪਰਿਪਾਚਿਤਸਿਕ੍ਖਾਪਦવਣ੍ਣਨਾ
9. Paripācitasikkhāpadavaṇṇanā
ਪਰਿਪਾਚਿਤਨ੍ਤਿ ਪਰਿਪਾਕਮਾਪਾਦਿਤਂ, ਯਥਾ ਲਭਤਿ, ਤਥਾ ਕਤ੍વਾ ਠਪਿਤਨ੍ਤਿ વੁਤ੍ਤਂ ਹੋਤਿ। ਤੇਨਾਹ ‘‘ਨੇવ ਤਸ੍ਸਾ’’ਤਿਆਦਿ ਤਸ੍ਸਾਤਿ ਯੋ ਪਰਿਭੁਞ੍ਜੇਯ੍ਯ, ਤਸ੍ਸ ਭਿਕ੍ਖੁਨੋ। ਭਿਕ੍ਖੁਸ੍ਸ ਗੁਣਂ ਪਕਾਸੇਤ੍વਾਤਿ ‘‘ਅਯ੍ਯੋ ਭਾਣਕੋ, ਅਯ੍ਯੋ ਬਹੁਸ੍ਸੁਤੋ’’ਤਿਆਦਿਨਾ (ਪਾਚਿ॰ ੧੯੫) ਗੁਣਂ ਪਕਾਸੇਤ੍વਾ । ਪਿਣ੍ਡਪਾਤਨ੍ਤਿ ਪਞ੍ਚਨ੍ਨਂ ਭੋਜਨਾਨਂ ਅਞ੍ਞਤਰਂ। ਕਮ੍ਮਸਾਧਨੋਯਂ ਸਮਾਰਮ੍ਭਸਦ੍ਦੋਤਿ ਆਹ ‘‘ਸਮਾਰਦ੍ਧ’’ਨ੍ਤਿ। ਪਟਿਯਾਦਿਤਸ੍ਸਾਤਿ ਸਮ੍ਪਾਦਿਤਸ੍ਸ। ਯਸ੍ਮਾ ਞਾਤਕਪ੍ਪવਾਰਿਤੇਹਿ ਭਿਕ੍ਖੁਸ੍ਸ ਅਤ੍ਥਾਯ ਅਸਮਾਰਦ੍ਧੋਪਿ ਪਿਣ੍ਡਪਾਤੋ ਅਤ੍ਥਤੋ ਸਮਾਰਦ੍ਧੋવ ਹੋਤਿ ਯਥਾਸੁਖਂ ਹਰਾਪੇਤਬ੍ਬਤੋ, ਤਸ੍ਮਾ ‘‘ਞਾਤਕਪ੍ਪવਾਰਿਤਾਨਂ વਾ ਸਨ੍ਤਕ’’ਨ੍ਤਿ વੁਤ੍ਤਂ।
Paripācitanti paripākamāpāditaṃ, yathā labhati, tathā katvā ṭhapitanti vuttaṃ hoti. Tenāha ‘‘neva tassā’’tiādi tassāti yo paribhuñjeyya, tassa bhikkhuno. Bhikkhussa guṇaṃ pakāsetvāti ‘‘ayyo bhāṇako, ayyo bahussuto’’tiādinā (pāci. 195) guṇaṃ pakāsetvā . Piṇḍapātanti pañcannaṃ bhojanānaṃ aññataraṃ. Kammasādhanoyaṃ samārambhasaddoti āha ‘‘samāraddha’’nti. Paṭiyāditassāti sampāditassa. Yasmā ñātakappavāritehi bhikkhussa atthāya asamāraddhopi piṇḍapāto atthato samāraddhova hoti yathāsukhaṃ harāpetabbato, tasmā ‘‘ñātakappavāritānaṃ vā santaka’’nti vuttaṃ.
ਉਭਯਤ੍ਥਾਤਿ ਪਰਿਪਾਚਿਤਾਪਰਿਪਾਚਿਤੇਸੁ। ਅવਸੇਸੇਤਿ ਭਿਕ੍ਖੁਨਿਪਰਿਪਾਚਿਤੇਪਿ ਯਾਗੁਖਜ੍ਜਕਫਲਾਫਲਾਦਿਕੇ ਸਬ੍ਬਤ੍ਥ। ਨਿਮਿਤ੍ਤੋਭਾਸਪਰਿਕਥਾવਿਞ੍ਞਤ੍ਤਿવਸੇਨ ਪਨ ਅવਸੇਸੇਪਿ ਦੁਕ੍ਕਟਤੋ ਨ ਮੁਚ੍ਚਤਿ।
Ubhayatthāti paripācitāparipācitesu. Avaseseti bhikkhuniparipācitepi yāgukhajjakaphalāphalādike sabbattha. Nimittobhāsaparikathāviññattivasena pana avasesepi dukkaṭato na muccati.
ਪਰਿਪਾਚਿਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paripācitasikkhāpadavaṇṇanā niṭṭhitā.
