| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૯. પરિપાચિતસિક્ખાપદવણ્ણના
9. Paripācitasikkhāpadavaṇṇanā
પરિપાચિતન્તિ પરિપાકમાપાદિતં, યથા લભતિ, તથા કત્વા ઠપિતન્તિ વુત્તં હોતિ. તેનાહ ‘‘નેવ તસ્સા’’તિઆદિ તસ્સાતિ યો પરિભુઞ્જેય્ય, તસ્સ ભિક્ખુનો. ભિક્ખુસ્સ ગુણં પકાસેત્વાતિ ‘‘અય્યો ભાણકો, અય્યો બહુસ્સુતો’’તિઆદિના (પાચિ॰ ૧૯૫) ગુણં પકાસેત્વા . પિણ્ડપાતન્તિ પઞ્ચન્નં ભોજનાનં અઞ્ઞતરં. કમ્મસાધનોયં સમારમ્ભસદ્દોતિ આહ ‘‘સમારદ્ધ’’ન્તિ. પટિયાદિતસ્સાતિ સમ્પાદિતસ્સ. યસ્મા ઞાતકપ્પવારિતેહિ ભિક્ખુસ્સ અત્થાય અસમારદ્ધોપિ પિણ્ડપાતો અત્થતો સમારદ્ધોવ હોતિ યથાસુખં હરાપેતબ્બતો, તસ્મા ‘‘ઞાતકપ્પવારિતાનં વા સન્તક’’ન્તિ વુત્તં.
Paripācitanti paripākamāpāditaṃ, yathā labhati, tathā katvā ṭhapitanti vuttaṃ hoti. Tenāha ‘‘neva tassā’’tiādi tassāti yo paribhuñjeyya, tassa bhikkhuno. Bhikkhussa guṇaṃ pakāsetvāti ‘‘ayyo bhāṇako, ayyo bahussuto’’tiādinā (pāci. 195) guṇaṃ pakāsetvā . Piṇḍapātanti pañcannaṃ bhojanānaṃ aññataraṃ. Kammasādhanoyaṃ samārambhasaddoti āha ‘‘samāraddha’’nti. Paṭiyāditassāti sampāditassa. Yasmā ñātakappavāritehi bhikkhussa atthāya asamāraddhopi piṇḍapāto atthato samāraddhova hoti yathāsukhaṃ harāpetabbato, tasmā ‘‘ñātakappavāritānaṃ vā santaka’’nti vuttaṃ.
ઉભયત્થાતિ પરિપાચિતાપરિપાચિતેસુ. અવસેસેતિ ભિક્ખુનિપરિપાચિતેપિ યાગુખજ્જકફલાફલાદિકે સબ્બત્થ. નિમિત્તોભાસપરિકથાવિઞ્ઞત્તિવસેન પન અવસેસેપિ દુક્કટતો ન મુચ્ચતિ.
Ubhayatthāti paripācitāparipācitesu. Avaseseti bhikkhuniparipācitepi yāgukhajjakaphalāphalādike sabbattha. Nimittobhāsaparikathāviññattivasena pana avasesepi dukkaṭato na muccati.
પરિપાચિતસિક્ખાપદવણ્ણના નિટ્ઠિતા.
Paripācitasikkhāpadavaṇṇanā niṭṭhitā.
