| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
౯. పరిపాచితసిక్ఖాపదవణ్ణనా
9. Paripācitasikkhāpadavaṇṇanā
౧౯౪. నవమే పటియాదితన్తి భిక్ఖూనం అత్థాయ సమ్పాదితం. ఞాతకా వా హోన్తి పవారితా వాతి ఏత్థ సచేపి భిక్ఖునో అఞ్ఞాతకా అప్పవారితా చ సియుం, భిక్ఖునియా ఞాతకా పవారితా చే, వట్టతి.
194. Navame paṭiyāditanti bhikkhūnaṃ atthāya sampāditaṃ. Ñātakā vā honti pavāritā vāti ettha sacepi bhikkhuno aññātakā appavāritā ca siyuṃ, bhikkhuniyā ñātakā pavāritā ce, vaṭṭati.
౧౯౭. పాపభిక్ఖూనం పక్ఖుపచ్ఛేదాయ ఇదం పఞ్ఞత్తం, తస్మా పఞ్చభోజనేయేవ ఆపత్తి వుత్తా. పఞ్చ భోజనాని ఠపేత్వా సబ్బత్థ అనాపత్తీతి ఇదం పన ఇమినా సిక్ఖాపదేన అనాపత్తిదస్సనత్థం వుత్తం. విఞ్ఞత్తియా ఉప్పన్నం పరిభుఞ్జన్తస్స హి అఞ్ఞత్థ వుత్తనయేన దుక్కటం. సేసం ఉత్తానమేవ. భిక్ఖునిపరిపాచితభావో, జాననం, గిహిసమారమ్భాభావో, ఓదనాదీనం అఞ్ఞతరతా, తస్స అజ్ఝోహరణన్తి ఇమాని పనేత్థ పఞ్చ అఙ్గాని.
197. Pāpabhikkhūnaṃ pakkhupacchedāya idaṃ paññattaṃ, tasmā pañcabhojaneyeva āpatti vuttā. Pañca bhojanāni ṭhapetvā sabbattha anāpattīti idaṃ pana iminā sikkhāpadena anāpattidassanatthaṃ vuttaṃ. Viññattiyā uppannaṃ paribhuñjantassa hi aññattha vuttanayena dukkaṭaṃ. Sesaṃ uttānameva. Bhikkhuniparipācitabhāvo, jānanaṃ, gihisamārambhābhāvo, odanādīnaṃ aññataratā, tassa ajjhoharaṇanti imāni panettha pañca aṅgāni.
పరిపాచితసిక్ఖాపదవణ్ణనా నిట్ఠితా.
Paripācitasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౩. ఓవాదవగ్గో • 3. Ovādavaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౯. పరిపాచితసిక్ఖాపదవణ్ణనా • 9. Paripācitasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౯. పరిపాచితసిక్ఖాపదవణ్ణనా • 9. Paripācitasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౯. పరిపాచితసిక్ఖాపదవణ్ణనా • 9. Paripācitasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౯. పరిపాచితసిక్ఖాపదం • 9. Paripācitasikkhāpadaṃ
